Алеся Чапкевич world 2 ліпеня 2026, 11:15

Кіраўнік OpenAI прапануе ўраду ЗША 5% акцый — дбае пра людзей

OpenAI, якая зараз ацэньваецца ў $852 млрд, пачала папярэднія кулуарныя перамовы з адміністрацыяй Дональда Трампа пра перадачу дзяржаве 5% сваіх акцый. Больш за тое, генеральны дырэктар Сэм Альтман прапануе абавязаць іншых ШІ-гігантаў — Anthropic, Google, Meta — аддаць аналагічную долю ў спецыяльны суверэнны фонд, піша Financial Times.

Пакінуць каментарый

Кіраўнік OpenAI прапануе ўраду ЗША 5% акцый — дбае пра людзей

OpenAI, якая зараз ацэньваецца ў $852 млрд, пачала папярэднія кулуарныя перамовы з адміністрацыяй Дональда Трампа пра перадачу дзяржаве 5% сваіх акцый. Больш за тое, генеральны дырэктар Сэм Альтман прапануе абавязаць іншых ШІ-гігантаў — Anthropic, Google, Meta — аддаць аналагічную долю ў спецыяльны суверэнны фонд, піша Financial Times.

Такі крок можа дапамагчы кампаніі знізіць палітычны ціск. ШІ-лабараторыі цяпер знаходзяцца пад пільнай увагай у Вашынгтоне. Пастаянныя праверкі затрымліваюць рэлізы перадавых мадэляў — з гэтым нядаўна сутыкнуліся і OpenAI, і Anthropic. Чыноўнікаў палохаюць маштабы будаўніцтва датацэнтраў, кібербяспека і пагроза рынку працы. 5% акцый — спосаб задобрыць адміністрацыю перад чаканым выхадам OpenAI на біржу ў наступным годзе.

Ідэя мае рэальныя шанцы: Трамп раней жорстка крытыкаваў кіраўніка Intel, але рэзка змяніў гнеў на літасць і падтрымаў чыпмейкера адразу пасля таго, як дзяржава атрымала там 10% долю.

Альтман відавочна хоча паўтарыць гэты трук. Ён прасоўвае гэта як «фонд грамадскага дабрабыту» (па аналогіі з Пастаянным фондам Аляскі, куды сцякаюцца нафтавыя даходы штата для выплаты дывідэндаў грамадзянам). Маўляў, гэта лепшы спосаб падзяліць эканамічны бум ад ШІ з усім амерыканскім народам.

Перамовы пакуль носяць «канцэптуальны» і ранні характар. Альтман ужо асабіста абмяркоўвае гэта з самім Трампам, міністрам гандлю Говардам Лютнікам і міністрам фінансаў Скотам Бесэнтам. Паралельна ён зносіцца і з лагерам дэмакратаў: сенатар Бэрні Сандэрс увогуле патрабуе забраць у ШІ-кампаній на карысць дзяржавы адразу каля паловы акцый. Аднак для рэалізацыі такой схемы можа спатрэбіцца адабрэнне Кангрэса ЗША, ды і канкурэнты OpenAI пакуль не выказалі ніякага жадання дзяліцца сваімі мільярдамі з дзяржавай.