Алеся Чапкевич bel 28 кастрычніка 2026, 13:01

Латвія яшчэ на год забараніла нерэгулярныя аўтобусныя перавозкі ў Беларусь

Урад Латвіі ў аўторак, 27 кастрычніка, падоўжыў забарону на нерэгулярныя аўтобусныя пасажырскія перавозкі ў Беларусь і Расію, паведамляе LSM.

Пакінуць каментарый

Дадай у Google

Латвія яшчэ на год забараніла нерэгулярныя аўтобусныя перавозкі ў Беларусь

Урад Латвіі ў аўторак, 27 кастрычніка, падоўжыў забарону на нерэгулярныя аўтобусныя пасажырскія перавозкі ў Беларусь і Расію, паведамляе LSM.

Першая такая забарона тэрмінам на год была ўведзена летась. Цяпер яна будзе дзейнічаць да 31 кастрычніка 2027 года.

Гаворка ідзе пра перавозкі з перасячэннем мяжы праз пункты пропуску «Патэрніекі» («Грыгораўшчына» з беларускага боку), а таксама «Грэбнева» і «Церахова» на расійскай мяжы.

Як адзначае балтыйскае выданне, забарона падоўжаная з улікам пагрозаў нацыянальнай бяспецы, якія ствараюць арганізаваныя паездкі груп пасажыраў на тэрыторыю Беларусі ды Расіі і назад, бо яны падвяргаюцца вялікай рызыцы разведвальнай дзейнасці і вярбоўкі.

Забарона распаўсюджваецца на ўсіх перавозчыкаў незалежна ад краіны рэгістрацыі юрыдычнай асобы перавозчыка ці транспартнага сродку. Цяперашнія абмежаванні дзейнічаюць з 1 лістапада 2025 года па 31 кастрычніка 2026 года.

Рэгулярныя пасажырскія перавозкі пакуль не абмежаваныя, аднак мясцовыя ўлады падрыхтавалі папраўкі ў заканадаўства аб аўтаперавозках, якія прадугледжваюць забарону на рэгулярныя і нерэгулярныя аўтобусныя пасажырскія перавозкі ў Беларусь і Расію, а таксама на транзітныя паездкі праз Латвію, з 10 студзеня 2027 года.