Кабінет міністраў Латвіі сёння прыняў рашэнне забараніць перавозчыкам выконваць нерэгулярныя пасажырскія перавозкі праз мяжу з Беларуссю і Расіяй на аўтобусах, піша Delfi.
Кабінет міністраў Латвіі сёння прыняў рашэнне забараніць перавозчыкам выконваць нерэгулярныя пасажырскія перавозкі праз мяжу з Беларуссю і Расіяй на аўтобусах, піша Delfi.
Забарона будзе дзейнічаць год — з 1 лістапада гэтага года па 31 кастрычніка 2026-га.
Міністэрства зносін тлумачыць абмежаванне ростам патоку такога віду перавозак, чэргамі транспарту на памежных дарогах Латвіі, а таксама спадарожнымі рызыкамі для бяспекі, уключаючы нелегальную іміграцыю. Абмежаванне ўводзіцца на трох пунктах пропуску, адзін з іх — «Патэрніекі» — на мяжы з Беларуссю.
Навацыя датычыцца перавозчыкаў, якія выконваюць разавыя спланаваныя паездкі, уключаючы турыстычныя — напрыклад, на экскурсіі, спартыўныя мерапрыемствы, у санаторыі і гэтак далей. Яна распаўсюджваецца ў тым ліку на перавозчыкаў, якія зарэгістраваны ў іншых краінах, напрыклад у Малдове, Літве і Эстоніі, а таксама ажыццяўляюць транзітныя рэйсы праз Латвію.
Рэлацыраваліся? Цяпер вы можаце каментаваць без верыфікацыі акаўнта.