Былы супрацоўнік OpenAI Сухір Баладжы быў знойдзены мёртвым у сваёй кватэры ў Сан-Францыска 26 лістапада, паведамляе Business Insider. Ён крытыкаваў кампанію за тое, як яна ажыццяўляе збор даных з інтэрнэту для трэніроўкі сваіх мадэляў.
Былы супрацоўнік OpenAI Сухір Баладжы быў знойдзены мёртвым у сваёй кватэры ў Сан-Францыска 26 лістапада, паведамляе Business Insider. Ён крытыкаваў кампанію за тое, як яна ажыццяўляе збор даных з інтэрнэту для трэніроўкі сваіх мадэляў.
Баладжы было 26 гадоў. Ён 4 гады працаваў у OpenAI даследчыкам і сышоў з кампаніі ў жніўні. У задачы Баладжы сярод іншага ўваходзіў збор інфармацыі для распрацоўкі GPT-4.
У паліцыі горада заявілі, што ў часе папярэдняга расследавання не выявілі прыкмет гвалтоўнай смерці. Пакуль асноўная версія — самагубства. У OpenAI шакаваныя тым, што адбылося, і выказваюць спачуванні блізкім нябожчыка.
У кастрычніку на сваім асабістым сайце Баладжы выклаў артыкул наконт выкарыстання OpenAI копій матэрыялаў, абароненых аўтарскім правам, для навучання АІ-мадэляў. У выпадках, калі гэтыя матэрыялы бяруцца без дазволу аўтараў, гаворка вядзецца пра парушэнне капірайту.
Таксама Баладжы пісаў, што навучанне мадэляў на даных, сабраных з інтэрнэту бясплатна, шкодзіць супольнасцям, якія акумулююць гэтыя веды. Ён спасылаўся на даследаванне, у якім для прыкладу прыводзілася падзенне трафіку і ўцягнення карыстальнікаў на Stack Overflow пасля рэлізу ChatGPT і мадэляў накшталт GPT-4. Паколькі чат-боты і вялікія моўныя мадэлі даюць юзерам гатовы адказ, ім няма неабходнасці шукаць першакрыніцу інфармацыі. Гэта азначае, што на Stack Overflow і падобных да яго рэсурсах будзе з’яўляцца ўсё менш новага кантэнту, створанага людзьмі.
Супраць OpenAI ужо пададзена некалькі пазоваў за парушэнне інтэлектуальнай уласнасці. Летась у суд на Microsoft і OpenAI за стварэнне канкуруючых прадуктаў падаў New York Times. У кастрычніку выданне апублікавала інтэрв’ю з Баладжы, у якім ён сцвярджаў, што чат-боты накшталт ChatGPT нівелююць камерцыйную каштоўнасць чалавечай працы. «Гэта не ўстойлівая мадэль для інтэрнэт-экасістэмы ў цэлым», — казаў ён. У OpenAI тады парыравалі, што выкарыстоўваюць толькі агульнадаступныя даныя і толькі самым сумленным чынам.
У дакуменце, які New York Times дадаў да справы 18 лістапада, Баладжы быў названы «ўпаўнаважаным трымальнікам» файла, якія маюць дачыненне да пазову.
Рэлацыраваліся? Цяпер вы можаце каментаваць без верыфікацыі акаўнта.
Ну вот, началось
Не началось, а продолжилось
В 1994 в результате травмы головы после драки в баре умер Гарри Килдалл автор CP/M склонированную как QDOS и... переизданную под названием MS-DOS. И ничего не докажешь. Одни теории. Он хотел издать мемуары.
https://techrights.org/o/2020/01/05/history-canceled/#top кто владеет медиа тот переписывает историю
С роботами не шутят.