Афіцэра паліцыі з брытанскага Дэрбішыра адхілілі ад службы і правяраюць на прычаснасць да фальсіфікацыі правасуддзя. Следства падазрае, што прадпрымальны паліцэйскі выкарыстоўваў нейрасеткі для стварэння «доказнай базы» адразу па некалькіх крымінальных справах, піша The Guardian.
Афіцэра паліцыі з брытанскага Дэрбішыра адхілілі ад службы і правяраюць на прычаснасць да фальсіфікацыі правасуддзя. Следства падазрае, што прадпрымальны паліцэйскі выкарыстоўваў нейрасеткі для стварэння «доказнай базы» адразу па некалькіх крымінальных справах, піша The Guardian.
Пакуль расследаванне знаходзіцца на ранняй стадыі, дэталі не раскрываюцца, а абвінавачванні нікому афіцыйна не прад’яўлены. Тым не менш пракуратура ўжо пачала тэрмінова звязвацца з бокам абароны і судамі ва ўсіх справах, да якіх меў дачыненне афіцэр, каб праверыць, колькі прыгавораў магло быць вынесена на падставе «галюцынацый» ШІ.
Іранічна, што скандал выбухнуў адразу пасля папярэджання кіраўніка Цэнтра ШІ пры Нацыянальным савеце начальнікаў паліцыі Алекса Мюрэя. Ён літаральна запатрабаваў ад рэгіянальных ведамстваў спыніць выкарыстоўваць нейрасеткі для падрыхтоўкі судовых заяваў і справаздач, бо тэхналогія элементарна ненадзейная.
Абсурднасць сітуацыі ў тым, што ў красавіку Скотленд-Ярд запусціў праграмнае забеспячэнне амерыканскай Palantir, каб выявіць «нядобрасумленных» паліцэйскіх у сваіх шэрагах. Нейрасетка тыдзень капалася ў базах дадзеных супрацоўнікаў і знайшла масу парушэнняў рознай ступені цяжкасці: ад бяскрыўдных прагулаў на дыстанцыйнай працы да падазрэнняў у карупцыі і згвалтаваннях. Па выніках таго ШІ-рэйду трох афіцэраў ужо арыштавалі за перавышэнне паўнамоцтваў у сексуальных мэтах, махлярства і службовыя злачынствы, а яшчэ па сотнях супрацоўнікаў цяпер ідуць праверкі.
Рэлацыраваліся? Цяпер вы можаце каментаваць без верыфікацыі акаўнта.