Аддзел навін 5 снежня 2024, 13:56

CEO OpenAI спрабуе знізіць чаканні ад агульнага АІ — кажа, трэба чакаць звышінтэлект

Два гады таму OpenAI заяўляла, што агульны штучны інтэлект (AGI) — той, для распрацоўкі якога яна і была задуманая, — надзеліць людзей неверагоднымі магчымасцямі. Цяпер кіраўнік кампаніі Сэм Альтман спрабуе знізіць планку чаканняў, піша The Verge.

2 каментарыя

Два гады таму OpenAI заяўляла, што агульны штучны інтэлект (AGI) — той, для распрацоўкі якога яна і была задуманая, — надзеліць людзей неверагоднымі магчымасцямі. Цяпер кіраўнік кампаніі Сэм Альтман спрабуе знізіць планку чаканняў, піша The Verge.

«Мне здаецца, мы створым агульны АІ раней, чым думае большасць людзей у свеце, і ён будзе значыць нашмат менш», — сказаў прадпрымальнік на ўчорашнім мерапрыемстве DealBook Summit. Ён дадаў, што многія з тых боязяў наконт бяспекі, пра якія раней казала і сама кампанія, і іншыя, матэрыялізуюцца не са з’яўленнем AGI. Паводле яго слоў, жыццё застанецца практычна такім жа, як цяпер, некаторыя рэчы пачнуць развівацца хутчэй. «Але вось шлях ад таго, што мы называем агульным АІ, да таго, што мы называем звышінтэлектам, будзе доўгім», — дадаў Альтман.

Sam Altman Live at DealBook Summit 2024 https://t.co/GIrwg9LdRU
— Andrew Ross Sorkin (@andrewrsorkin) December 4, 2024

Ён не ўпершыню спрабуе прыменшыць значнасць з’яўлення AGI, якое здаецца непазбежным — тэхналогіі, якая, паводле слоў самой OpenAI, дазволіць аўтаматызаваць ільвіную долю разумовай працы. Не так даўно Альтман прагназаваў, што AGI будзе дасягнуты ўжо ў 2025 годзе і на ўжо існым «жалезе».

Аднак пасля слоў гендырэктара кампаніі на DealBook Summit складваецца ўражанне, што ў яе ўласным паняцці AGI ужо больш не настолькі вялікая тэхналогія, як раней: «Я лічу, што эканамічны эфект [ад AGI] наступіць трохі пазней, чым чакаюць людзі, бо грамадства вельмі інертнае. Таму за першыя пару гадоў, магчыма, зменіцца няшмат. А потым, магчыма, будзе шмат змен».

Тое, што раней, па абяцаннях OpenAI, мелася быць агульным АІ, цяпер, мяркуючы з усяго, называецца «звышінтэлектам». У сваім нядаўнім эсэ Альтман прадказваў, што звышразумны АІ можа з’явіцца ўжо праз некалькі гадоў.