Аддзел навін 22 кастрычніка 2024, 13:28

Amazon і Google узнялі каціроўкі ядзерных кампаній

Акцыі кампаній у сферы ядзернай энергетыкі б’юць рэкорды на фоне росту цікавасці да іх з боку тэхнагігантаў, якія спрабуюць забяспечыць патрэбы сваіх дата-цэнтраў. Пра гэта піша Financial Times.

Пакінуць каментарый

Amazon і Google узнялі каціроўкі ядзерных кампаній

Акцыі кампаній у сферы ядзернай энергетыкі б’юць рэкорды на фоне росту цікавасці да іх з боку тэхнагігантаў, якія спрабуюць забяспечыць патрэбы сваіх дата-цэнтраў. Пра гэта піша Financial Times.

Не так даўно стала вядома пра ўгоды Amazon і Google на пастаўку электраэнергіі, што выпрацоўваецца малымі модульнымі рэактарамі (SMR). Каціроўкі амерыканскіх распрацоўшчыкаў SMR, такіх як Oklo і Nuscale Power, за апошні тыдзень выраслі на 99% і 37% адпаведна. Напярэдадні аб атрыманні фінансавання абвясцілі іх канкурэнты X-energy і Kairos Power.

Constellation Energy, якая ўклала 20-гадовае пагадненне з Microsoft і з’яўляецца найбуйнейшым аператарам традыцыйных рэактараў у ЗША, ад пачатку года падаражэла больш чым удвая. На 38% за 2024 год падскочылі акцыі вытворцы ўрану Cameco, а пастаўшчыка ядзерных кампанентаў BWX Technologies — на 65%.

На працягу мінулага тыдня Акцыі Cameco, Oklo, NuScale, Constellation Energy і BWX Technologies дасягнулі рэкордных паказчыкаў.

Тэхнагіганты ўкладваюцца ў SMR, бо бачаць у іх крыніцу надзейнай, эканамічна выгаднай і экалагічна чыстай энергіі для сваіх дата-цэнтраў. Яны затрачваюць усё больш электраэнергіі на фоне буму штучнага інтэлекту і неабходнасці апрацоўваць усё большыя аб’ёмы даных.