Месяц таму амерыканскія сацсеткі ўзарвала гібель ручной вавёркі на мянушку Арахіс (Peanut) у Нью-Ёрку: гарадскія санітарныя службы памылкова ўсыпілі яе, западозрыўшы, што яна заражаная шаленствам. Вавёрка на той момант ужо была знакамітасцю ў інтэрнэце, а на яе смерць адгукнуўся нават Ілан Маск, піша Financial Times.
Месяц таму амерыканскія сацсеткі ўзарвала гібель ручной вавёркі на мянушку Арахіс (Peanut) у Нью-Ёрку: гарадскія санітарныя службы памылкова ўсыпілі яе, западозрыўшы, што яна заражаная шаленствам. Вавёрка на той момант ужо была знакамітасцю ў інтэрнэце, а на яе смерць адгукнуўся нават Ілан Маск, піша Financial Times.
Народны гнеў даў штуршок бурнаму росту мемнай крыпты PNUT, названай у гонар звярка. Усяго за некалькі дзён яна падаражэла ад $0,1 да $2,27, а яе рынкавая капіталізацыя пераваліла за $2 млрд. Гэта зрабіла PNUT самым хуткарослым мемкойнам ц гісторыі — ён перасягнуў у тым ліку любімага Маскам Dogecoin.
Але апошнім часам у цане дадаў далёка не толькі PNUT. Пасля перавыбрання Дональда Трампа і вылучэння Пола Аткінса — прыхільніка неўмяшання ў крыптавалютную сферу — новым кіраўніком камісіі па каштоўных паперах і біржам ЗША ўзляцелі MOO DENG (паводле імя папулярнага ў сеціве карлікавага бегемота), 888 (пазначэнне кітайскага сімвала поспеху), POPCAT, dogwifhat і CHILLGUY (мем пра чыловага хлопца). На мінулым тыдні адзнаку ў $100 тысяч прабіў біткойн.
Яшчэ адное тлумачэнне росту PNUT можа палягаць у тым, што ў фінансавай сістэме празмернасць ліквіднасці, што дазваляе народным масам з іх памылкамі ствараць такія эфекты. Крыптаэнтузіясты прызнаюць, што мемкойны наўрад ці маюць якое-небудзь практычнае прымяненне або ўнутраную каштоўнасць. Але ваганні іх курса кажуць, што для людзей яны нейкі культ, які дае ім пачуццё агульнасці.
Трэці спосаб інтэрпрэтаваць гісторыю з вавёркай— як адлюстраванне змены інфармацыйнай экасістэмы ў фінансах: сацсеткі ўжо ўплываюць на тое, што адбываецца ў палітыцы і дэмакратыі, а цяпер, відавочна, яшчэ і пампуюць кошт актываў, прычым не толькі лічбавых. Яскравым прыкладам апошніх гадоў была рознічная крама гульняў GameStop, акцыі якой паднялі карыстальнікі Reddit. Верагодна, гэтая з’ява будзе набіраць абароты пры новай адміністрацыі. Паколькі Трамп адстойвае свабоду слова, наўрад ці хтосьці будзе стрымліваць яго прыхільніка Маска, які ўжо не раз хістаў крыптарынак.
Інвестарам на фоне ўсяго гэтага застаецца толькі пачаць адсочваць інфармацыйныя патокі, што даволі няпроста. Буйныя хедж-фонды ўжо ўжываюць лічбавы аналіз для вывучэння настрояў у інтэрнэце, што мяняюцца. Bloomberg таксама заняўся распрацоўкай інструментаў для сацыяльнага маніторынгу. Кампанія Narravance, якая займалася трэкінгам палітычнай дэзынфармацыі ў лічбавай прасторы, цяпер прапаноўвае прадукт Chatterflow, які дазваляе прыватным і інстытуцыянальным інвестарам адсочваць усё большы ажыятаж вакол акцый і прадказваць ваганні курсаў. Інтэрнэт ужо трансфармуе не толькі палітыку, але і фінансавыя рынкі, і ў найбліжэйшыя гады гэты трэнд узмоцніцца, падсумоўвае FT.
Рэлацыраваліся? Цяпер вы можаце каментаваць без верыфікацыі акаўнта.
Закройте комментарии
не могли бы вы приказать открыть коментарии? я хочу высказаться про хомяков и белок.