Аддзел навін 8 студзеня 2025, 14:03

Instagram пачаў паказваць карыстальнікам рэкламу з іх тварамі

Instagram тэсціруе новы від АІ-рэкламы: праграма генеруе выявы з тварам юзера ў розных сцэнарах. Такія публікацыі ў сваёй стужцы нядаўна заўважыў адзін з карыстальнікаў Reddit. Instagram выдаў яму цэлы шэраг АІ-выяў сябе — напрыклад, сярод люстэркаў з эфектам бясконцасці. З ім пагутарыла выданне 404 Media.

Пакінуць каментарый

Instagram тэсціруе новы від АІ-рэкламы: праграма генеруе выявы з тварам юзера ў розных сцэнарах. Такія публікацыі ў сваёй стужцы нядаўна заўважыў адзін з карыстальнікаў Reddit. Instagram выдаў яму цэлы шэраг АІ-выяў сябе — напрыклад, сярод люстэркаў з эфектам бясконцасці. З ім пагутарыла выданне 404 Media.

Юзер кажа, што аднойчы рэдагаваў сэлфі з дапамогай АІ-функцыі Meta, якая называецца Imagine, а цяпер Instagram выкарыстоўвае фота для таргетавання рэкламы. Пад малюнкамі быў размешчаны подпіс: «Уявіце, як разважаеце пра жыццё ў бясконцым лабірынце люстэркаў, дзе вы ў цэнтры ўвагі». Фарумчане спачатку не паверылі аўтару паста, маўляў, нашто б Instagram рабіць штосьці такое, так што тлумачыць прыйшлося некалькі разоў, што сітуацыя сапраўды мела месца і скрыншоты сапраўдныя.

Used Meta AI to edit a selfie, now instagram is using my face on ads targeted at me.
byu/Green_Video_9831 inABoringDystopia

У Meta на запыт выдання адказалі, што гэта ніякая не рэклама — гаворка пра функцыю Imagine Yourself, якую кампанія анансавала ў верасні і цяпер патроху тэсціруе на юзерах. Сутнасць у тым, што карыстальнік можа загрузіць некалькі сваіх здымкаў з розных вуглоў і папрасіць АІ пафантазіраваць — напрыклад, паказаць юзера касманаўтам. Калі карыстальнік актываваў функцыю, АІ Meta часам будзе аўтаматычна генераваць карцінкі з яго ўдзелам у сцэнарах, якія могуць быць яму цікавыя. Такі кантэнт адлюстроўваецца ў карыстальніцкіх стужках Facebook і Instagram.

У Meta падкрэслілі, што згенераваныя функцыяй выявы з карыстальнікам у галоўнай ролі бачныя толькі яму самому, але ён можа падзяліцца імі з сябрамі. А таксама што яе можна адключыць, калі вам не хочацца бачыць такое ў сябе ў стужцы — такая опцыя ёсць у меню, якое адкрываецца пры націску на тры кропкі ў верхняй частцы непажаданага ІІ-паста.