Студыя з беларускімі каранямі Strikerz, якая базіруецца на Кіпры, апынулася ў цэнтры масавых звальненняў на фоне праблем з футбольным сімулятарам UFL. Пра гэта паведамілі ананімныя крыніцы App2Top.
Студыя з беларускімі каранямі Strikerz, якая базіруецца на Кіпры, апынулася ў цэнтры масавых звальненняў на фоне праблем з футбольным сімулятарам UFL. Пра гэта паведамілі ананімныя крыніцы App2Top.
Паводле іх, у выніку звальненняў штат Strikerz скароціцца больш чым удвая — з 450 да 200 чалавек. Хто менавіта апынецца «за бортам», на момант публікацыі матэрыялу App2Top у канцы чэрвеня вядома не было.
Сцвярджаецца, што многія супрацоўнікі здагадваліся пра магчымыя звальненні яшчэ гэтай зімой, аднак праблемы ў Strikerz пачалі наспяваць значна раней — прыкладна праз паўгода пасля рэлізу на PlayStation 5 і Xbox Series, які адбыўся ў снежні 2024 года.
Гульня, якую пазіцыянуюць як канкурэнта EA Sports FC і eFootball, не апраўдала чаканняў распрацоўшчыкаў. На старце яна паказвала даволі прыстойныя вынікі, але потым метрыкі абваліліся. У спробе ўтрымаць аўдыторыю кансольнай версіі UFL студыя безвынікова эксперыментавала з LiveOps і неўзабаве ўсё роўна страціла мінімум частку партнёраў.
За год да рэлізу Strikerz прыцягнула буйное фінансаванне. У яе ўклалі $40 млн шэраг інвестараў, сярод якіх — Крышціяну Ранальду. Але, як сцвярджаюць крыніцы, Strikerz з Ранальду звязваў хутчэй партнёрскі кантракт накшталт тых, што заключае Electronic Arts з футбольнымі камандамі, і не так даўно ён скончыўся.
Усё гэта ўзмацнілася кіраўніцкім хаосам у студыі. Паводле крыніц, у Strikerz існавалі сур’ёзныя праблемы з камунікацыяй — напрыклад, розныя аддзелы выкарыстоўвалі розныя таск-трэкеры, што ўскладніла працу над UFL і запаволіла працэсы. Выданне падкрэслівае, што Strikerz адказвае перадусім за кансольную версію UFL — у гульні ёсць мабільная версія, але ёю займаецца студыя Press Fire Games.
Апошняй кропляй стала тое, што Strikerz не ўдалося падпісаць дамову з Міжнароднай федэрацыяй футбола. Распрацоўшчыкі хацелі правесці ў UFL івент, прысвечаны чэмпіянату свету гэтага года, і падрыхтавалі вялікую колькасць кантэнту, але іх напрацоўкі апынуліся ў стале.
На гэтым фоне Press Fire Games нядаўна правяла ў Strikerz аўдыт. Пасля праверкі са студыі звольнілі многіх топ-менеджараў і было вырашана пачаць маштабную рэструктурызацыю. У ходзе яе і мусілі скараціць істотную частку радавых супрацоўнікаў.
Калі вам штось вядома наконт звальненняў у студыі, пішыце праз старонку кантактаў.
Рэлацыраваліся? Цяпер вы можаце каментаваць без верыфікацыі акаўнта.