Бізнесмен абвясціў пра новы этап перанавучання моўнай мадэлі Grok. Паводле яго словаў, сучасныя ШІ-мадэлі навучаюцца на «занадта вялікай колькасці смецця» і знаходзяцца пад уплывам «спадчыны традыцыйных СМІ».
Бізнесмен абвясціў пра новы этап перанавучання моўнай мадэлі Grok. Паводле яго словаў, сучасныя ШІ-мадэлі навучаюцца на «занадта вялікай колькасці смецця» і знаходзяцца пад уплывам «спадчыны традыцыйных СМІ».
Маск прапанаваў карыстальнікам X дасылаць «факты, што падзяляюць»: сцвярджэнні, якія ён апісвае як «палітычна некарэктныя, але фактычна праўдзівыя». Гэтыя дадзеныя стануць асновай для новай версіі мадэлі, Grok 3.5, якую Маск таксама называе магчымым Grok 4. Мэта — перапісаць і скарэктаваць існуючыя веды, а затым перанавучыць мадэль на гэтай новай базе.
Please reply to this post with divisive facts for @Grok training.
— Elon Musk (@elonmusk) June 21, 2025
By this I mean things that are politically incorrect, but nonetheless factually true.
Паводле словаў Маска, гэта дапаможа Grok развіць «прасунутае разважанне» і пазбавіцца ад скажэнняў. Аднак крытыкі ўжо называюць праект «оруэлаўскім». ШІ-эксперт і прафесар Нью-Ёркскага ўніверсітэта Гэры Маркус напісаў, што дзеянні Маска нагадваюць сюжэт з рамана Оруэла «1984»: «Вы не змаглі прымусіць ШІ пагадзіцца з вашымі поглядамі — таму вырашылі перапісаць рэальнасць.»
Чат-бот Grok з моманту запуску неаднаразова трапляў у загалоўкі з-за ўмяшання xAI у яго адказы. Раней у гэтым годзе ў сістэму была ўнесена змена, якая загадвала ігнараваць крыніцы, дзе Маск ці Дональд Трамп упаміналіся як распаўсюджвальнікі дэзінфармацыі. Пазней кампанія прызнала гэтую змену «несанкцыянаванай» і выдаліла яе.
Акрамя таго, Grok падвяргаўся крытыцы за фармулёўкі па кліматычных і палітычных тэмах. У пачатку года бот пачаў пазбягаць прамых адказаў на пытанні аб дэзінфармацыі, замяняючы іх спасылкамі на «адрозненні ў меркаваннях». У маі мадэль нечакана пачала рэгулярна ўзгадваць расісцкую тэорыю «белага генацыду» ў Паўднёвай Афрыцы, нават без запыту карыстальніка. xAI растлумачыла гэта «несанкцыянаванай мадыфікацыяй» і заявіла аб правядзенні ўнутранага расследавання.
Рэлацыраваліся? Цяпер вы можаце каментаваць без верыфікацыі акаўнта.