Николай Чикишев 11 снежня 2023, 17:50

Маск хоча перавабіць вінаватага ў няўдалым перавароце ў OpenAI

Будучыня навуковага кіраўніка OpenAI Іллі Суцкевера пасля яго спробы ссунуць Сэма Альтмана з пасады гендырэктара застаецца пад пытаннем.

1 каментарый

Маск хоча перавабіць вінаватага ў няўдалым перавароце ў OpenAI

Будучыня навуковага кіраўніка OpenAI Іллі Суцкевера пасля яго спробы ссунуць Сэма Альтмана з пасады гендырэктара застаецца пад пытаннем.

Неўзабаве пасля няўдалага перавароту ў кампаніі і вяртання Альтмана Суцкевер не ўвайшоў у новую раду дырэктараў. Хоць сам Альтман заявіў, што не трымае зла на калегу, крыніцы Bussiness Insider заяўляюць, што яго будучыня ў кампаніі туманная — і кіраўніцтва OpenAI вырашае, ці застанецца Суцкевер на сваёй пасадзе.

Пра яго далейшую кар’еру нечакана напісаў Ілан Маск. Уладальнік кампаніі-канкурэнта OpenAI і былы сябра праўлення стартапа лічыць, што Суцкевер мае працаваць у Tesla. «Або ў xAI», — напісаў Маск у X. Мільярдэр запусціў свой АІ-стартап у ліпені і актыўна наймае былых супрацоўнікаў Google і Microsoft.

Пасля таго, як кіраўніцтва OpenAI звольніла Альтмана, Маск абараніў Суцкевера, напісаўшы: «У Іллі добры маральны компас, і ён не імкнецца да ўлады. Ён не стаў бы прадпрымаць такіх радыкальных мер, калі б не адчуваў у гэтым абсалютнай неабходнасці». У адным з нядаўніх інтэрв’ю бізнэсовец назваў Суцкевера «апорным звяном» поспеху OpenAI.

У 2015 годзе Маск і Альтман пераканалі Суцкевера пакінуць Google і далучыцца да стварэння OpenAI. У 2018 годзе Маск пакінуў раду дырэктараў стартапа пасля таго, як іншыя адхілілі яго план паглынання кампаніі.