Сацсетку X напаткалі масавыя збоі, якія закранулі тысячы карыстальнікаў у ЗША і Вялікабрытаніі. Ілан Маск заявіў, што прычынай стаў маштабны кібернапад, які нібыта паходзіць з Украіны. Аднак гэтая версія выклікае сумневы ў спецыялістаў па кібербяспецы.
Сацсетку X напаткалі масавыя збоі, якія закранулі тысячы карыстальнікаў у ЗША і Вялікабрытаніі. Ілан Маск заявіў, што прычынай стаў маштабны кібернапад, які нібыта паходзіць з Украіны. Аднак гэтая версія выклікае сумневы ў спецыялістаў па кібербяспецы.
Паводле дадзеных Downdetector, колькасць паведамленняў пра праблемы ў працы X дасягнула амаль 40 000. Карыстальнікі скардзіліся на тое, што стужкі не загружаюцца. У Вялікабрытаніі было зафіксавана больш за 8000 паведамленняў пра збоі. Людзі бачылі значак загрузкі пры спробе абнавіць стужку ў аплікацыі і на сайце.
Ілон Маск заявіў, што X стала аб’ектам кібернападу і абвінаваціў у гэтым «вялікую скаардынаваную групу і/або краіну». Пазней у інтэрв’ю Fox Business ён удакладніў, што IP-адрасы, з якіх ішла атака, «паходзяць з раёна Ўкраіны». Маск не прывёў ніякіх доказаў на карысць сваіх сцвярджэнняў.
Спецыялісты па кібербяспецы выказалі сумневы ў праўдзівасці версіі Маска. Яны адзначаюць, што DDoS-атакі часта ажыццяўляюцца невялікімі групамі або асобнымі людзьмі. Паводле крыніцы Reuters, большая частка шкоднаснага трафіку паступала з IP-адрасоў у ЗША, В’етнаме, Бразіліі і іншых краінах.
Эксперты падкрэсліваюць, што DDoS-атакі цяжка прасачыць да іх арганізатараў, і IP-адрасы рэдка дазваляюць зразумець, хто за імі стаіць.
Рэлацыраваліся? Цяпер вы можаце каментаваць без верыфікацыі акаўнта.