CNBC апублікаваў фрагменты ўнутраных імэйлаў Nvidia, згодна з якімі Ілан Маск папрасіў кампанію адкласці пастаўкі чыпаў для Tesla і замест гэтага перадаць іх Х. Гэта стала вядома на фоне пазову, пададзенага да мільярдэра акцыянерамі аўтавытворцы за тое, што ён не выконвае сваіх забавязанняў.
CNBC апублікаваў фрагменты ўнутраных імэйлаў Nvidia, згодна з якімі Ілан Маск папрасіў кампанію адкласці пастаўкі чыпаў для Tesla і замест гэтага перадаць іх Х. Гэта стала вядома на фоне пазову, пададзенага да мільярдэра акцыянерамі аўтавытворцы за тое, што ён не выконвае сваіх забавязанняў.
Нататка датуецца мінулым снежнем. У ёй гаворыцца, што Маск папрасіў аддаць сацсетцы прыярытэт у пастаўцы графічных працэсараў H100 і перанакіраваць ёй 12 тысяч штук, якія першапачаткова мелася атрымаць Tesla. А 12 тысяч GPU, якія былі замоўленыя для Х і меліся быць пастаўленыя ў студзені і чэрвені, перапісаць на Tesla.
Неўзабаве пасля таго імэйла Маск заяўляў, што электрамабільная кампанія сёлета выдаткуе каля $10 млрд на вылічальныя магутнасці для навучання АІ. Таксама CNBC згадвае свяжэйшы, красавіцкі імэйл Nvidia, у якім гаворыцца, што гэтыя яго словы разыходзяцца з заказамі і прагнозамі на 2025 фінансавы год. З іншых лістоў, якія трапілі ў распараджэнне CNBC, вынікае, што Маск спрабуе забяспечыць GPU для іншай сваёй кампаніі xAI. Яна карыстаецца магутнасцямі Х і хоча стварыць найбуйнейшы ў свеце кластар — ён мае часткова запрацаваць у чэрвені.
Пасля выхаду артыкула Маск растлумачыў, што Tesla не магла ўвесці ў строй заказаныя чыпы, і яны папросту пыліліся б на складах. Але на гігафабрыцы ў Тэхасе, якая амаль гатовая, будзе размешчана 50 тысяч паскаральнікаў H100 для навучання аўтапілота. А на «жалеза» Nvidia ў цэлым кампанія выдаткуе $3-4 млрд.
Tesla had no place to send the Nvidia chips to turn them on, so they would have just sat in a warehouse.
— Elon Musk (@elonmusk) June 4, 2024
The south extension of Giga Texas is almost complete. This will house 50k H100s for FSD training.
Рэлацыраваліся? Цяпер вы можаце каментаваць без верыфікацыі акаўнта.