Аддзел навін ИТ-хандра 4 мая 2023, 09:17

Маск скараціў амаль 90% штату Twitter

Штат Twitter паменшыўся да мінімуму за многія гады і працягвае змяншацца: звальненні не сканчаюцца, а некаторыя людзі сыходзяць самі, піша Insider.

4 каментарыяў

Штат Twitter паменшыўся да мінімуму за многія гады і працягвае змяншацца: звальненні не сканчаюцца, а некаторыя людзі сыходзяць самі, піша Insider.

Некалькі тыдняў таму Маск казаў, што на Twitter працуе 1500 чалавек, але не ўдакладняў, ці ўключаныя сюды падрадчыкі. Зрэшты, сярод падрадчыкаў Маск таксама правёў шматтысячныя чысткі. Але, паводле паведамлення крыніц выдання, рэальная колькасць фултайм-супрацоўнікаў у сацсетцы складае каля 1 тысячы.

Ад кастрычніка, калі была закрытая ўгода па куплі, кампанія перажыла спачатку скарачэнне паловы штату новым уладальнікам, а потым масавае звальненне супрацоўнікаў са сваёй волі праз нежаданне працаваць паводле «хардкорных» правілаў мільярдэра.

На момант куплі ў Twitter працавала каля 7500 чалавек. Зыходзячы з лічбаў суразмоўцаў Insider, за гэты час кампанія страціла каля 90% штату. Прычым яшчэ некалькі сотняў чалавек сышлі да ўгоды на знак пратэсту.

У Twitter засталося менш за 550 штатных інжынераў і толькі 20% супрацоўнікаў якія былі да прыходу Маска

Адзін з суразмоўцаў Insider расказаў, што звальненні па-ранейшаму працягваюцца, часам закранаюць цэлыя групы і часта адбываюцца практычна без тлумачэнняў. Многія людзі сышлі самі або прынялі першы офер, прапанаваны іншай кампаніяй. Таксама ў Twitter бясконца праходзяць перфоманс-рэв’ю, а прыярытэты ў праектах і кірунках працы пастаянна змяняюцца. Тыя супрацоўнікі, што засталіся, спрабуюць даць рады пастаянным праблемам сайта. Некаторым супрацоўнікам перад звальненнем ладзілі допыты з нагоды зліваў інфармацыі ў СМІ. Гутаркі сам-насам з імі праводзілі людзі з каманды бяспекі Маска.

Апошні раз так мала супрацоўнікаў у Twitter было ў 2011 годзе. Тады ў платформы было 100 млн актыўных карыстальнікаў, а да першага публічнага размяшчэння акцый заставалася два гады.

Цяпер Twitter налічвае 250 млн штодзённых актыўных карыстальнікаў і каля 400 млн — штомесячных. Колькасць загрузак праграмы за апошнія тры месяцы ўпала на 15%. Маск раней казаў, што марыць у наступным годзе давесці колькасць актыўных карыстальнікаў на месяц да 1 млрд.