Маск расказаў, як у Tesla вылічалі стукачоў з дапамогай прабелаў

«Гэта даволі забаўная гісторыя», — адказаў Маск. Кампанія рассылала ўсім супрацоўнікам вонкава аднолькавыя імэйлы, але насамрэч у кожным лісце былі прастаўленыя адзін або два прабелы паміж сказамі. Такім чынам, кожны ліст меў унікальную бінарную сігнатуру, якая дазволіла ідэнтыфікаваць інфарматара. Ідэя, паводле слоў прадпрымальніка, належала яму.

That is quite an interesting story. We sent what appeared to be identical emails to all, but each was actually coded with either one or two spaces between sentences, forming a binary signature that identified the leaker.

— Elon Musk (@elonmusk) October 9, 2022

Іншы карыстальнік спытаўся пра лёс адказнага за злівы — напрыклад, ці атрымаў ён штраф або турэмны тэрмін. Маск адказаў, што яму прапанавалі працягнуць кар’еру ў іншым месцы. Ён дадаў, што ў суд кампанія не падавала, бо на той момант стаяла на мяжы выжывання і ёй было не да гэтага.

Выкарыстаны Маскам метад можна лічыць разнавіднасцю «пасткі для канарак», калі для выяўлення ўцечкі інфармацыі сярод падазраваных распаўсюджваюць розныя версіі канфідэнцыйнага дакумента. Адзін з карыстальнікаў сацсеткі наглядна патлумачыў, як гэта працуе.

Let’s say one space equals a 0 and two equals a 1. You have a binary conversion.

Ex. Sentence._Sentence.__Sentence._

That encodes to 010. That user now has the ID 010. Since you have two values in each spot, you can represent 2^N employees, where N is the number of sentences.

— Ty Clay (@TyDClay) October 13, 2022