Twitter забаніў акаўнт @elonjet, які адсочваў падарожжы прыватнага самалёта Ілана Маска — хаця пасля куплі кампаніі мільярдэр абяцаў, што ў імя свабоды слова гэтага не зробіць. Прычына блакавання — парушэнне правілаў сацсеткі ў частцы «маніпулявання платформай і спаму». Праз некалькі гадзін быў выдалены і акаўнт аўтара @elonjet Джэка Суіні.
Twitter забаніў акаўнт @elonjet, які адсочваў падарожжы прыватнага самалёта Ілана Маска — хаця пасля куплі кампаніі мільярдэр абяцаў, што ў імя свабоды слова гэтага не зробіць. Прычына блакавання — парушэнне правілаў сацсеткі ў частцы «маніпулявання платформай і спаму». Праз некалькі гадзін быў выдалены і акаўнт аўтара @elonjet Джэка Суіні.
Акаўнт Суіні налічваў 150 тысяч падпісчыкаў, @elonjet — 500 тысяч.
Акрамя таго, Twitter вычысціў астатнія аналагічныя акаўнты, якія вёў Суіні. Яны адсочвалі самалёты вядомых асоб, у тым ліку Марка Цукерберга, Джэфа Безаса, Кім Кардаш’ян і Дональда Трампа. Усяго такіх акаўнтаў было 34.
Раней Суіні даведаўся ад ананімнага супрацоўніка Twitter, што яго акаўнт знаходзіцца пад «ценявым банам» — калі сацсеткі паніжаюць бачнасць і ахоп пастоў аўтара, але ён пра гэта не ведае. Ён выклаў скрыншот, на якім адная з менеджарак Twitter патрабуе накласці такі бан на Суіні.
Раней Маск спрабаваў падкупіць Суіні і прапаноўваў яму $5 тысяч за выдаленне акаўнта, які, паводле слоў бізнэсоўца, уяўляў пагрозу для яго бяспекі. Суіні ў адказ запытаў $50 тысяч — на аплату вучобы і машыны, але Маск ад такой угоды адмовіўся.
Суіні кажа, што працягне весці свае акаўнты на іншых пляцоўках, уключна з Facebook, Instagram, Discord і Mastodon. Карыстальнікі Twitter паведамляюць, што сацсетка ўжо пачала пазначаць спасылкі на старонку Суіні ў Instagram як небяспечныя і блакаваць публікацыі.
Маск з нагоды гэтай сітуацыі адзначыў, што быў бы не супраць, каб інфармацыя пра яго месцазнаходжанне з’яўлялася з некаторай затрымкай. Але тое, што Суіні посціць яго лакацыю ў рэальным часе, ён лічыць пагрозай сваёй фізічнай бяспецы — і бяспецы сваёй сям'і. Мільярдэр дадаў, што ўчора невядомы пераследаваў машыну з яго сынам, думаючы, што там знаходзіцца ён сам. А супраць Суіні пададзены пазоў.
Last night, car carrying lil X in LA was followed by crazy stalker (thinking it was me), who later blocked car from moving & climbed onto hood.
— Elon Musk (@elonmusk) December 15, 2022
Legal action is being taken against Sweeney & organizations who supported harm to my family.
Рэлацыраваліся? Цяпер вы можаце каментаваць без верыфікацыі акаўнта.
Так вот зачем он twitter купил