Meta, Google, Amazon: 40 ІТ-кампаній і сэрвісаў, якія могуць больш за ўсё пацярпець ад скарачэння выдаткаў і закрыцця стартапаў
На тле адтоку венчурных інвестыцый стартапы шукаюць магчымасці знізіць выдаткі, у тым ліку шляхам звальненняў, эканоміі на карпаратыўных мерапрыемствах, а таксама паслугах — асабліва воблачных, якія з’яўляюцца адным з самых важкіх кампанентаў бюджэту. Некаторыя стартапы цалкам закрываюцца.
Гэта адбіваецца на тэхнагігантах накшталт Meta, Amazon і Google, якія сталі буйнымі пастаўшчыкамі ІТ-паслуг — у тым ліку рэкламы, вылічальных, бухгалтарскіх і аперацыйных — для стартапаў у перыяд пандэмійнага буму.
Цяпер жа стартапы пераносяць задачы, якія раней выносіліся на аўтсорс, зноў пад свой дах, адзначаюць у новай справаздачы аналітыкі амерыканскага сайта для стартапаў і бізнэс-анёлаў AngelList і кампаніі Silicon Valley Bank. На тле падзення попыту і продажаў тэхнагіганты самі адзін па адным звальняюць тысячы супрацоўнікаў з надмерна раздзьмутага за апошнія гады штату.
У дакладзе даследчыкі разгледзелі 10 самых папулярных вендараў сярод стартапаў на ранніх стадыях паводле чатырох відаў паслуг, згаданых вышэй. Паводле іх даных, Google і Meta застаюцца асноўнымі рэкламнымі партнёрамі маладых кампаній, але ўсё большую ролю пачынае граць TikTok. Таксама сярод стартапаў набіраюць папулярнасць фрыланс-біржы Upwork і Fiverr. Топ-40 сэрвісаў пададзены ніжэй.
Читать на dev.by