Meta можа стаць віннай амаль $8 млрд карыстальніцам Flo. Пра гэта паведаміў федэральны суддзя Джэймс Даната падчас слуханняў. У жніўні прысяжныя прызналі Meta вінаватай у парушэнні каліфарнійскага закона аб недатыкальнасці прыватнага жыцця — маўляў, кампанія наўмысна збірала адчувальныя дадзеныя аб здароўі мільёнаў жанчын праз аплікацыю.
Meta можа стаць віннай амаль $8 млрд карыстальніцам Flo. Пра гэта паведаміў федэральны суддзя Джэймс Даната падчас слуханняў. У жніўні прысяжныя прызналі Meta вінаватай у парушэнні каліфарнійскага закона аб недатыкальнасці прыватнага жыцця — маўляў, кампанія наўмысна збірала адчувальныя дадзеныя аб здароўі мільёнаў жанчын праз аплікацыю.
Пазоўнікі патрабуюць $5 тысяч кампенсацыі кожнаму ўдзельніку пазову — менавіта такую суму прадугледжвае закон за адно парушэнне. Адвакаты пазоўнікаў пакуль не падлічылі дакладную колькасць пацярпелых, але ацэньваюць прыкладна ў 1,6 млн карыстальніц у Каліфорніі.
Такім чынам, агульная сума выплат можа скласці каля $8 млрд.
Для праверкі пацярпелых пазоўнікі прапануюць простую працэдуру падачы заявак: карыстальніцы павінны будуць указаць імя, кантакты і пацвердзіць пад прысягай, што яны жылі ў Каліфорніі і спампоўвалі Flo ў перыяд з 1 лістапада 2016 года па 28 лютага 2019 года. Плануецца прыцягнуць незалежную кампанію, якая праверыць дадзеныя і адсее фальшывыя заяўкі. Flo таксама прапанавала прадаставіць дадатковыя карыстальніцкія дадзеныя, каб дапамагчы ў праверцы.
Адвакаты Meta былі «ў шоку» ад таго, што Flo перадавала дадзеныя пазоўнікам, і выступілі супраць гэтай схемы. Але Даната адхіліў пярэчанні Meta — кажа, яна павінна быць зацікаўлена ў перакрыжаванай праверцы дадзеных, каб кампенсацыю атрымалі толькі тыя, каму яна сапраўды належыць.
Пазоўнікі таксама патрабуюць абавязаць Meta выдаліць усе дадзеныя, сабраныя незаконна, і рэгулярна праходзіць незалежныя праверкі. Да гэтых патрабаванняў суддзя паставіўся скептычна, патлумачыўшы, што дадзеныя аб менструацыі і цяжарнасці носяць часовы характар і ўжо не маюць карысці.
Суддзя пакуль не паведаміў, калі вынесе канчатковае рашэнне. Пазоўнікі заявілі, што Flo спатрэбіцца не менш трох тыдняў, каб сабраць дадатковыя дадзеныя для ідэнтыфікацыі карыстальнікаў.
Meta пасля пасяджэння адмовілася ад каментароў па справе, але заявіла, што не згодная з вердыктам і лічыць абвінавачванні фальшывымі: «Канфідэнцыйнасць карыстальнікаў важная для Meta. Менавіта па гэтай прычыне мы не хочам атрымліваць медыцынскую або іншую адчувальную інфармацыю, і нашы правілы забараняюць распрацоўшчыкам яе перадаваць».
Групавы пазоў супраць Flo быў пададзены ў 2021 годзе. Карыстальнікі абвінавацілі кампанію ў перадачы асабістых дадзеных пабочным арганізацыям, у тым ліку Meta, Google, AppsFlyer і Flurry. Google у ліпені дамовілася аб міравым пагадненні і павінна выплаціць $48 млн, Flo пагадзілася на $8 млн (абедзве адмаўляюць віну). Flurry заключыла міравое пагадненне на $3,5 млн. Пазоў супраць AppsFlyer быў добраахвотна адкліканы ў 2022 годзе. Агульная сума гэтых міравых пагадненняў склала амаль $60 млн, але яны пакуль чакаюць ухвалення суда.
Релоцировались? Теперь вы можете комментировать без верификации аккаунта.