Кампанія аб’явіла пра пераразмеркаванне супрацоўнікаў у ШІ-аддзелы за два дні да запланаваных масавых звальненняў. Работнікаў перанясуць у чатыры новыя каманды, якія будуць займацца распрацоўкай ШІ-інструментаў і прыкладанняў.
Кампанія аб’явіла пра пераразмеркаванне супрацоўнікаў у ШІ-аддзелы за два дні да запланаваных масавых звальненняў. Работнікаў перанясуць у чатыры новыя каманды, якія будуць займацца распрацоўкай ШІ-інструментаў і прыкладанняў.
Згодна з дадзенымі The New York Times, пра перастаноўкі супрацоўнікам паведаміла дырэктарка па кадрах Meta Джанэль Гейл ва ўнутраным лісце. Паводле яе, новыя падраздзяленні будуць будавацца па «ШІ-арыентаванай» мадэлі арганізацыі: у іх будзе менш кіраўнічых узроўняў і менш менеджараў на аднаго супрацоўніка, чым у іншых частках кампаніі. Падрабязнасці адносна новых роляў супрацоўнікам паведамяць у сераду.
Рэарганізацыя праходзіць на фоне новай хвалі скарачэнняў. 20 мая Meta плануе звольніць каля 8000 супрацоўнікаў — прыкладна 10% штату. На канец 2025 года ў кампаніі працавалі звыш 78 000 чалавек. Раней Meta ўжо папярэдзіла супрацоўнікаў, што частку роляў скарацяць у межах курсу на павышэнне эфектыўнасці і адначасовае павелічэнне інвестыцый у ШІ.
Кіраўнік Meta Марк Цукербэрг зрабіў ШІ адным з галоўных прыярытэтаў кампаніі. У студзені ён паведамляў інвестарам, што Meta плануе выдаткаваць у гэтам годзе $115–135 млрд, значную частку — на развіццё ШІ. Кампанія будуе дата-цэнтры для ШІ-інфраструктуры і імкнецца не адстаць ад Google, OpenAI і Anthropic.
Адначасова Meta паступова адсунула на другі план метасвет, які раней быў ключавой стратэгічнай стаўкай кампаніі. У гэтам кірунку ўжо праводзіліся скарачэнні. Пры гэтым супрацоўнікаў усё больш падштурхоўваюць да выкарыстання ШІ ў паўсядзённай працы, а прымяненне ШІ ўжо ўлічваецца ў ацэнцы эфектыўнасці многіх работнікаў.
Напрыканцы красавіка Meta таксама паведамляла, што разам са скарачэннем 10% штату закрые 6000 адкрытых вакансій. Гэтыя змены ўзмацнілі напружанасць унутры кампаніі. Дадатковае напружанне выклікала новая палітыка, звязаная з навучаннем ШІ-інструментаў на дадзеных супрацоўнікаў: частка працаўнікоў раскрытыкавала яе праз занепакоенасць за прыватнасць.
У лісце Гейл таксама апісала парадак дзеянняў на дзень звальненняў. Яна папрасіла супрацоўнікаў працаваць дыстанцыйна і папярэдзіла, што паведамленні пра скарачэнні разаслаць, а 4-й раніцы па мясцовым часе. Супрацоўнікі ў ЗША атрымаюць выхадную дапамогу ў памеры 16 тыдняў заробку плюс два дадатковыя тыдні за кожны год працы ў Meta.
Релоцировались? Теперь вы можете комментировать без верификации аккаунта.