Аддзел навін 23 мая 2023, 18:34

Meta прадала Giphy — у 6 разоў танней, ніж купіла тры гады таму

Фотабанк Shutterstock выкупіў сэрвіс для стварэння і пошуку анімацый Giphy ў Meta, піша CNBC.

Угода склала $53 млн. Гэта ў 6 разоў менш за $315 млн, якія тады яшчэ Facebook заплаціла за сэрвіс у 2020 годзе.

Shutterstock разлічыцца цалкам грашыма. У прэзентацыі для інвестараў кампанія адзначыла, што ў 2023 годзе чакае ад набыцця «мінімальнай выручкі». Угода мае быць закрытая ў чэрвені.

Летась брытанскія антыманапольныя рэгулятары абавязалі Meta прадаць Giphy, спаслаўшыся на магчымыя непажаданыя наступствы куплі для канкурэнцыі і рынку.

Прадстаўнік Meta ў каментары CNBC выказаў падзяку камандзе Giphy і пазычыў ёй далейшых поспехаў.