Аддзел навін 28 красавіка 2023, 12:56

Microsoft больш не будзе выпускаць новыя функцыі для Windows 10

Бягучая версія Windows — 10 22H2, якая выйшла ў мінулым кастрычніку, — стане апошняй версіяй з функцыянальнымі абнаўленнямі сістэмы. Пра гэта кампанія паведаміла ў сваім блогу.

1 каментарый

Microsoft больш не будзе выпускаць новыя функцыі для Windows 10

Бягучая версія Windows — 10 22H2, якая выйшла ў мінулым кастрычніку, — стане апошняй версіяй з функцыянальнымі абнаўленнямі сістэмы. Пра гэта кампанія паведаміла ў сваім блогу.

Падтрымка ўсіх рэдакцый Windows 10 будзе ажыццяўляцца аж да 14 кастрычніка 2025 года. Ад гэтага часу карыстальнікі будуць атрымліваць толькі штомесячныя абнаўленні бяспекі.

У сувязі з гэтым Microsoft настойліва заклікала карыстальнікаў пераходзіць на Windows 11. Тым жа карыстальнікам і прадпрыемствам, якія аддаюць перавагу «дзясятцы», параілі абнавіцца да апошняй версіі.

Паводле даных StatCounter, самай папулярнай версіяй Windows цяпер з’яўляецца «дзясятка» — яна ўсталяваная на 73% камп’ютараў пад кіраваннем Windows. Апошнімі месяцамі стабільна набірае аўдыторыю адзінаццатая версія, але, відаць, шмат у чым за кошт «сямёркі», падтрымка якой завяршылася ў 2020 годзе.