Microsoft адключыла куплю кодаў у Аргенціне і Турцыі. Геймеры кажуць пра канец эпохі танных гульняў

У сацсетках з’явіліся паведамленні, што Microsoft адключыла магчымасць купляць коды ў Аргенціне і Турцыі ў якасці падарунка. Некаторыя карыстальнікі прапанавалі ў якасці альтэрнатывы выкарыстоўваць Калумбію і Індыю. «Сябры, здарылася тое, што здарылася — цяпер набыццё гульні з Турцыі/Аргенціны адбываецца на ваш акаўнт», — напісаў адзін з прадпрымальнікаў, якія распаўсюджвалі гульні па выгадных цэнах.

Цяпер пры аказанні паслуг яны будуць прасіць перадаваць даныя акаўнта, каб зайсці і аформіць пакупку, у кошт паслугі ўключаюць прывязку карты. Для краін з праблемамі праходжання плацяжоў гэта быў выгадны і досыць бяспечны спосаб — у раздзелах лічбавай крамы іншых краін, у прыватнасці Аргенціны, Бразіліі і Турцыі.

Раней Microsoft і Sony абвясцілі, што стануць блакаваць банкаўскія карты Ozan і Oldubil для тых уліковых запісаў, якія не звязаныя беспасярэдне з Турцыяй. Рэзка ўзрослая колькасць куплянняў гульняў у турэцкіх лічбавых крамах (паводле неафіцыйных даных, рост склаў 400%!) прыцягнула ўвагу кампаній.