Аддзел навін 16 лістапада 2023, 11:05

Microsoft паказала канструктар кастамных АІ-чат-ботаў

Microsoft паказала інструмент Copilot Studio для стварэння індывідуалізаваных чат-ботаў на базе штучнага інтэлекту.

Гэта бяскодавае рашэнне, якое дазволіць кампаніям ствараць чат-ботаў, заточаных пад іх задачы. Яно будзе ўваходзіць у платны сэрвіс Microsoft 365 Copilot, запушчаны ў лістападзе. Карпаратыўныя кліенты змогуць дадаваць у чат-боты свае датасэты, сродкі аўтаматызацыі і нават кастамных АІ-агентаў, якія не з’яўляюцца часткай сэрвісу Microsoft Graph, што ляжыць у аснове Microsoft 365 Copilot.

Паводле слоў распрацоўшчыкаў, ствараць чат-ботаў з дапамогай Copilot Studio і падключаць іх да карпаратыўных сістэм будзе гэтак жа проста, як і камунікаваць з імі. ІТ-адміністратары змогуць пры дапамозе натуральнай мовы або графічнага інтэрфейсу Copilot Studio падключаць іншыя крыніцы даных ад партнёраў, такіх як SAP, Workday, ServiceNow і іншых. АІ-памочнікі могуць з’яўляць сабою што заўгодна ад асістэнта на сайце для адказу на пытанні пакупнікоў пра тавары да асістэнта ўнутры рэлізу квартальнай справаздачы.

Copilot Studio дазволіць ІТ-адміністратарам маніторыць выкарыстанне і аналітыку АІ-асістэнтаў і кіраваць правамі на іх стварэнне, а таксама выступіць хабам для інтэграцыі чат-ботаў на базе GPT ад OpenAI.