Microsoft расказала, калі запусціць краму мабільных гульняў Xbox

Паводле слоў Бонд, рэалізацыя праекта пачнецца ў ліпені гэтага года. У краме з’явяцца арыгінальныя мабільныя гульні студый, якія ўваходзяць у Microsoft, напрыклад, Call of Duty: Mobile і Candy Crush Saga. У далейшым плануецца размясціць гульні партнёраў. Таксама на платформе будуць даступныя асобныя элементы экасістэмы Xbox.

«Мы збіраемся пачаць з размяшчэння нашага ўласнага партфоліа, каб вы ўбачылі такія гульні як Candy Crush і Minecraft. Маем намер пачаць з вэб-версіі, і зробім так, бо гэта дазволіць нам адкрыць гэтыя магчымасці для ўсіх прылад, ва ўсіх краінах, нягледзячы ні на што і незалежна ад палітыкі крамаў у закрытай экасістэме», — заявіла Бонд.

Microsoft адкрые сваю краму гульняў у разліку, што Apple і Google будуць вымушаныя дазволіць чужыя крамы ў сваіх экасістэмах, як гэта было зроблена ў ЕС згодна з Законам «Аб лічбавых рынках» (DMA).