Кампанія пачала тэсціраванне палепшанага пошуку Windows 11 на камп’ютарах Copilot+, даючы карыстальнікам магчымасць знаходзіць файлы і налады, выкарыстоўваючы натуральнейшую мову, а не дакладныя назвы або ключавыя словы.
Кампанія пачала тэсціраванне палепшанага пошуку Windows 11 на камп’ютарах Copilot+, даючы карыстальнікам магчымасць знаходзіць файлы і налады, выкарыстоўваючы натуральнейшую мову, а не дакладныя назвы або ключавыя словы.
Палепшаны пошук Windows працуе на камп’ютарах Copilot+ дзякуючы новаму магутнейшаму нейроннаму працэсару. Гэта дазваляе выкарыстоўваць пошук нават без падключэння да інтэрнэту. Карыстальнікі могуць шукаць файлы, уводзячы фразы накшталт «мост на заходзе» для фатаграфій або «бюджэт паездкі ў Еўропу» для дакументаў. Пошук працуе ў Правадыру, у пошукавым радку на панэлі задач і ў праграме «Параметры».
Цяпер пошук працуе толькі для лакальных файлаў, якія знаходзяцца ў індэксаваных каталогах. Карыстальнікі могуць наладзіць індэксаваныя тэчкі або ўключыць «пашыраны» рэжым для індэксавання ўсяго камп’ютара, выкарыстоўваючы меню «Параметры» > «Канфідэнцыйнасць і бяспека» > «Пошук Windows». У будучыні Microsoft плануе дадаць падтрымку воблачных сховішчаў, такіх як OneDrive.
Палепшаны пошук Windows даступны для камп’ютараў Copilot+ на базе Snapdragon. Падтрымка камп’ютараў на базе AMD і Intel з’явіцца пазней. Функцыя працуе на кітайскай, англійскай, французскай, нямецкай, японскай і іспанскай мовах і падтрымлівае фарматы файлаў .txt, .pdf, .docx, .doc, .rtf, .pptx, .ppt, .xls, .xlsx для дакументаў і .jpg/.jpeg, .png, .gif, .bmp, .ico для выяў.
Рэлацыраваліся? Цяпер вы можаце каментаваць без верыфікацыі акаўнта.
backdoor Microsoft которая получит доступ ко всей вашей цифровой жизни и вынесет это наружу с вашего согласия