Microsoft тэсціруе на карыстальніках новы пашукавік Bing з ChatGPT

Раней Microsoft паведаміла, што абнавіла свой пашукавік, дадаўшы ў яго рухавік функцыянальнасць новага АІ чат-бота. На момант анонсу поўнага доступу да новых функцый не было, можна было апрабаваць функцыю на шэрагу падрыхтаваных пытанняў. Цяпер кампанія прапаноўвае карыстальнікам зарэгістравацца ў яе праграме і ўзяць удзел у тэсціраванні паўнавартаснай версіі новага пашукавіка.

На працягу першых 48 гадзін заяўкі на ўдзел у праграме адправілі мільёны карыстальнікаў. Кампанія просіць у зваротным лісце адпраўляць свае водгукі. Для гэтага на старонцы пошуку прадугледзелі зваротную сувязь, дзе можна запоўніць форму з водгукам. У лісце пазначана, што мабільная версія Bing з АІ чат-ботам пакуль не гатовая.