Microsoft закрыла цэнтр распрацоўкі ў нігерыйскім Лагасе — адзін з двух у Афрыцы, паведамляе Bloomberg. Ён быў адкрыты ўсяго два гады таму для стварэння прасунутых інжынерных рашэнняў. Пад удар трапіла больш за 100 інжынераў.
Microsoft закрыла цэнтр распрацоўкі ў нігерыйскім Лагасе — адзін з двух у Афрыцы, паведамляе Bloomberg. Ён быў адкрыты ўсяго два гады таму для стварэння прасунутых інжынерных рашэнняў. Пад удар трапіла больш за 100 інжынераў.
Другі афрыканскі цэнтр распрацоўкі Microsoft знаходзіцца ў Найробі — сталіцы Кеніі. Яго скарачэнні не закранулі.
Прадстаўнік Microsoft у каментары адзначыў, што арганізацыйныя і кадравыя пераўтварэнні — неабходная і руцінная частка бізнэсу, а таксама што кампанія працягне факусавацца на прыярытэтах і стратэгічных кірунках росту.
Нігерыя з’яўляецца самай густанаселенай краінай кантынента. Цяпер яна пакутуе ад дэвальвацыі, высокай інфляцыі і дэфіцыту долараў, якія перашкаджаюць развіццю бізнэсу і росту пакупной здольнасці насельніцтва. З часоў пандэміі адсюль сышлі або трансфармавалі сваю дзейнасць тут іншыя міжнародныя кампаніі, напрыклад, Procter & Gambl, GSK і Bayer.
Рэлацыраваліся? Цяпер вы можаце каментаваць без верыфікацыі акаўнта.