Па інфармацыі крыніц Business Insider, новы раўнд звальненняў у Microsoft закрануў тысячы спецыялістаў па продажах. Ён адбыўся на фоне перагляду кампаніяй сваёй стратэгіі па продажы ШІ-інструментаў і ўзмацнення канкурэнцыі з боку OpenAI і Google.
Па інфармацыі крыніц Business Insider, новы раўнд звальненняў у Microsoft закрануў тысячы спецыялістаў па продажах. Ён адбыўся на фоне перагляду кампаніяй сваёй стратэгіі па продажы ШІ-інструментаў і ўзмацнення канкурэнцыі з боку OpenAI і Google.
Каб ШІ-інструменты лепш прадаваліся, рэдмандскі тэхгігант хоча замяніць многіх традыцыйных сэйлзаў людзьмі з тэхнічным бэкграўндам. Унутры Microsoft такія спецыялісты будуць называцца «інжынерамі рашэнняў» (solutions engineers).
У Microsoft выданню пацвердзілі, што замяняюць некаторых спецыялістаў па продажах інжынерамі па рашэннях, каб павысіць узровень ведаў тэхналогій і галіны сярод сваіх сэйлзаў. Таксама кампанія збіраецца пашырыць геаграфію іх найму.
Раней кліенты Microsoft скардзіліся, што ім даводзіцца ўзаемадзейнічаць з занадта вялікай колькасцю сэйлзаў, перш чым справа дойдзе да тэхнічных дэталяў і дэманстрацый. Таму было вырашана ўвесці людзей з тэхнічнай экспертызай, якія змогуць паказваць кліентам дэмаверсіі прадуктаў на больш ранніх этапах працэсу продажаў.
Канкурэнцыя на рынку карпаратыўных ШІ-інструментаў узмацняецца. У Microsoft ёсць перавага за кошт вялізнай базы карыстальнікаў яе карпаратыўных сэрвісаў, але нават самім яе супрацоўнікам больш імпануе ChatGPT.
Рэлацыраваліся? Цяпер вы можаце каментаваць без верыфікацыі акаўнта.