Кампанія рэарганізуе кіраўніцтва гульнявога і маркетынгавага падраздзяленняў пасля куплі Activision Blizzard. Гульняў стане больш, стаўку робяць на штучны інтэлект.
Кампанія рэарганізуе кіраўніцтва гульнявога і маркетынгавага падраздзяленняў пасля куплі Activision Blizzard. Гульняў стане больш, стаўку робяць на штучны інтэлект.
Кіраўнік Xbox Game Studios Мэт Буці стаў прэзідэнтам па гульнявым кантэнце і студыях, у тым ліку ZeniMax і Bethseda. Карпаратыўная віцэ-прэзідэнтка Xbox Сара Бонд атрымала пасаду прэзідэнткі Xbox і цяпер будзе адказваць як за праграмную, так і апаратную платформы, у тым ліку кансолі Xbox.
Паводле дамоўленасцяў, гендырэктар Activision Blizzard Бобі Коцік сыдзе са сваёй пасады пры канцы 2023 года. Microsoft яшчэ трэба будзе інтэграваць студыю ў сваё гульнявое падраздзяленне. Пакуль за аперацыйную дзейнасць у Activision адказвае Дэйв Макарці. Пакуль кампанія не паведамляла пра кандыдатуру на пасаду Коціка.
Такім чынам, у кіраўніцтве Xbox застанецца больш жанчын, ніж мужчын. У маркетынгавым падраздзяленні ў адстаўку сыдзе дырэктар Крыс Капосела пасля 32 гадоў працы ў кампаніі. Яго зменіць Такэсі Нумота, які займаўся воблачнымі сэрвісамі.
Кіраўнік спажывецкага маркетынгу Юсуф Мехдзі стане выканаўчым віцэ-прэзідэнтам. Ён узначаліць рэкламную кампанію Copilot. Таксама Microsoft пераводзіць падраздзяленне спажывецкіх продажаў у склад Microsoft Gaming. Кіраваць гульнявым падраздзяленнем карпарацыі па-ранейшаму будзе Філ Спенсер.
«Выдатныя гульні — аснова ўсяго, што мы робім. Мы лічым, што пашыраная арганізацыя гульнявога кантэнту, якая дазволіць Xbox Game Studios і студыям распрацоўкі ZeniMax эфектыўна супрацоўнічаць адны з адным,і дазволіць гэтым студыям сусветнага класа рабіць усё магчымае для пашырэння нашага партфоліа гульняў, якія падабаюцца гульцам», — цытуе ўнутранае паведамленне Спенсера The Verge.
Рэлацыраваліся? Цяпер вы можаце каментаваць без верыфікацыі акаўнта.
Опять перестановкой кроватей занимаются.
У них есть руководство в гейм направлении? Я думал они просто скупают все, что продается, пользуясь читом на бесконечные деньги.