Ад верасня супрацоўнікі Microsoft у Кітаі змогуць карыстацца на працоўным месцы толькі смартфонамі Apple, піша Bloomberg са спасылкай на ўнутраную нататку кампаніі. Гаджаты пад кіраваннем Android будуць забароненыя, хоць у цэлым па краіне назіраецца зваротны трэнд.
Ад верасня супрацоўнікі Microsoft у Кітаі змогуць карыстацца на працоўным месцы толькі смартфонамі Apple, піша Bloomberg са спасылкай на ўнутраную нататку кампаніі. Гаджаты пад кіраваннем Android будуць забароненыя, хоць у цэлым па краіне назіраецца зваротны трэнд.
Кітайскія супрацоўнікі Microsoft павінны будуць праходзіць верыфікацыю ў сістэмах толькі пры дапамозе смартфонаў Apple. Так рэдмандская кампанія хоча ўзмацніць абарону сваіх прадуктаў і сэрвісаў ад хакераў.
Усім уладальнікам Android-смартфонаў у кітайскім штаце Microsoft, напрыклад, Huawei або Xiaomi, на замену будзе выдадзены iPhone 15. Забраць іх можна будзе ў розных хабах Microsoft як на мацерыковай частцы краіны, так і ў Ганконгу.
Навіна закране сотні супрацоўнікаў. На мацерыковым Кітаі недаступны Google Play. Замест гэтага ўладальнікі Android-смартфонаў тут карыстаюцца платформамі Huawei і Xiaomi, а іх сайты Microsoft заблакавала.
App Store працуе ў Кітаі, і пасля пераходу на айфоны ўсім супрацоўнікам будуць даступныя менеджар пароляў Microsoft Authenticator і праграма Identity Pass.
Microsoft не ўдакладняе колькасці штату ў Кітаі, але менавіта тут, паводле яе ж словаў, знаходзіцца яе найбуйнейшы R&D-цэнтр па-за межамі ЗША. Толькі ў ім працуе больш за 6 тысяч інжынераў і навукоўцаў.
Улады краіны наадварот уводзяць баны на «яблычныя» смартфоны. Гэта прымушае прэвентыўна адмаўляцца ад іх нават тых, каго забароны не тычацца.
Прапампоўваць скілы зручна з падпіскай Coursera Plus. За 45 еўра на месяц вы атрымаеце неабмежаваны доступ да курсаў ад топавых універсітэтаў і кампаній, такіх як Google, Microsoft, Мічыганскі і Стэнфардскі ўніверсітэыт і іншыя. У спісе навучання як самыя актуальныя сферы накшталт Machine Learning, Data Science, штучны інтэлект, так і «вечная класіка» — Python, full stack, frontend і backend распрацоўка. Адпісацца ад Coursera Plus можна ў любы час.
Вось што кажуць айцішнікі, якія ўжо карыстаюцца падпіскай.
— Падпіска Plus асабліва выгадная, калі ёсць магчымасць і матывацыя вучыцца інтэнсіўна. Чым больш матэрыялу вы засвоіце, напрыклад, за месяц, тым больш выгаднымі будуць выдаткі на навучанне. Вылучаючы на заняткі дастаткова часу, за 4 тыдні можна прайсці некалькі курсаў сярэдняга памеру, заплаціўшы, дзякуючы падпісцы, у разы менш. Акрамя вольнага часу, вядома, спатрэбіцца сіла волі — як і ў любым анлайн-навучанні, інакш ёсць рызыка хутка закінуць усё пры адсутнасці дэдлайнаў.
Рэлацыраваліся? Цяпер вы можаце каментаваць без верыфікацыі акаўнта.