Мінадукацыі ўводзіць электронны запіс на прастаўленне апастыля

Для папярэдняга запісу спатрэбіцца пазначыць від дакумента і яго нумар. Выбіраць даты і час наведвання можна самастойна з даступных дат з улікам графіка прыёму дакументаў, паведамілі ў Міністэрстве.

Па электронным запісе будуць прымацца дакументы толькі ад іх уладальніка і толькі тыя дакументы, якія пазначаныя ў форме папярэдняга запісу. Пры неадпаведнасці нумара дакумента, названага ў форме папярэдняга запісу, нумару дакумента для прастаўлення апастыля ў прыёме дакументаў адмовяць, папярэдзілі ў Мінадукацыі. 

У Міністэрстве ўдакладнілі, што да 31 сакавіка ўключна папярэдні запіс на прастаўленне апастыля будзе магчымы і ў ранейшым фармаце — на базе Дэпартамента кантролю якасці адукацыі.