Mistral выпусціла дзве новыя ШІ-мадэлі для кодынгу

Кампанія запусціла Devstral 2, магутную мадэль на 123 мільярды параметраў, і лёгкую версію Devstral Small на 24 мільярды, арыентаваную на лакальнае разгортванне. Таксама прадстаўлены новы інструмент каманднага радка Mistral Vibe для вайб-кодынгу.

Devstral 2 разлічаны на вытворчыя нагрузкі і патрабуе як мінімум чатыры GPU H100, аднак кампанія робіць стаўку на пашыраныя магчымасці кантэкстнага аналізу.

Як і фірмовы асістэнт Le Chat, новыя інструменты могуць выкарыстоўваць гісторыю ўзаемадзеяння, аналізаваць структуру праекта, Git-статус, каб дакладней інтэрпрэтаваць запыты карыстальніка. Devstral Small пастаўляецца пад ліцэнзіяй Apache 2.0. Devstral 2 распаўсюджваецца пад мадыфікаванай MIT-ліцэнзіяй.

На час тэставага перыяду Devstral 2 даступны бясплатна праз API. Затым кошт складзе $0.40 за мільён уваходных токенаў і $2 за выходныя. Для Small-версіі тарыфы ніжэй — адпаведна $0.10 і $0.30 за мільён токенаў.

Запуск мадэляў суправаджаецца партнёрствамі: Devstral 2 інтэграваны ў папулярныя агентныя інструменты Kilo Code і Cline, а Vibe CLI даступны як пашырэнне для рэдактара Zed.

Mistral AI сёння лічыцца флагманам еўрапейскай ШІ-індустрыі і ацэньваецца ў €11,7 мільярда. Апошні раўнд інвестыцый правяла нідэрландская ASML, уклаўшы ў кампанію €1,3 мільярда.

Claude навучыўся пісаць код проста ў Slack — не трэба пакідаць чат

Па тэме

Claude навучыўся пісаць код проста ў Slack — не трэба пакідаць чат

У Японіі школьнік навайбкодзіў узломшчыка і скраў дадзеныя мільёнаў карыстальнікаў

Па тэме

У Японіі школьнік навайбкодзіў узломшчыка і скраў дадзеныя мільёнаў карыстальнікаў

OpenAI абвясціла «код чырвоны» з-за канкурэнцыі з Google Gemini 3

Па тэме

OpenAI абвясціла «код чырвоны» з-за канкурэнцыі з Google Gemini 3