Месяцовы модуль Nova-C па мянушцы «Адысей» завершыць місію 27 лютага. Прычынай стала няўдалае прызямленне апарата, праз што Сонца перастала асвятляць сонечную батарэю.
Месяцовы модуль Nova-C па мянушцы «Адысей» завершыць місію 27 лютага. Прычынай стала няўдалае прызямленне апарата, праз што Сонца перастала асвятляць сонечную батарэю.
Модуль быў запушчаны кампаніяй Intuitive Machines 15 лютага. Праз тыдзень ён дабраўся да Месяца і выйшаў на кругавую арбіту. На наступныя суткі апарат паспрабаваў спусціцца на паверхню спадарожніка. За некалькі хвілін да разліковага часу сувязь з ім была страчаная і аднавілася праз 15 хвілін. Яшчэ праз суткі стала зразумела, што модуль мякка апусціўся на Месяц, але перакуліўся на бок. Гэта перашкаджала сувязі і паўнавартаснай зарадцы акумулятараў.
Каманда місіі паспрабавала павярнуць сонечную батарэю, але аперацыя была няўдалай. Асвятленне сонечных батарэй неўзабаве спыніцца і разам з ім перастане працаваць бартавое абсталяванне. Праз тыдзень на Месяцы пачнецца ноч, якая працягнецца каля 14 зямных сутак, што для апарата стане канцом місіі.
Дзякуючы арбітальнаму апарату NASA LRO атрымалася вызначыць каардынаты пасадкі «Адысея». На здымках у зоне верагоднага прызямлення бачны аб’ект, якога не было на папярэдніх здымках з арбіты. Мяркуючы з усяго, модуль спусціўся на паўднёвай шыраце 80,13° і наблізіўся на 300 кіламетраў да полюса Месяца ў параўнанні з індыйскім модулем «Чандраян-3».
У часе праверкі абсталявання высветлілася, што асноўны прыбор навігацыі модуля — лазерны дальнамер — выявіўся адключаным. Яго выключылі ў працэсе зборкі модуля праз небяспеку для зроку мантажнікаў і забыліся ўключыць. Праграмнае ўключэнне прыбора не было прадугледжанае тэхнічна. На борце знаходзіцца эксперыментальная сістэма лазернай доплераўскай навігацыі NASA, якую спешна падключылі да сістэмы навігацыі модуля.
Аднак інжынерам удалося атрымаць з яго памяці як мінімум дзве выявы, адная з якіх прызнаная буйным поспехам місіі. Адная была зробленая ў часе зніжэння за некалькі хвілін да дотыку да паверхні і адная — з паверхні Месяца. На першым здымку бачныя месцы для будучых пасадачных пляцовак і кратэры з вечнай цемрай, дзе могуць знаходзіцца запасы вадзянога лёду.
Рэлацыраваліся? Цяпер вы можаце каментаваць без верыфікацыі акаўнта.
Ну вот. Даже американцы разучились прилуняться, а в 60х умели...
В том году разбились японский и российский аппараты. Индийский модуль сел, но вскоре сломался.