Маладым саіскальнікам сёння асабліва цяжка ўладкавацца на працу, але штучны інтэлект тут ні пры чым. Да такой высновы прыйшоў даследчык брытанскай кансалтынгавай кампаніі TS Lombard Дарыа Перкінс.
Маладым саіскальнікам сёння асабліва цяжка ўладкавацца на працу, але штучны інтэлект тут ні пры чым. Да такой высновы прыйшоў даследчык брытанскай кансалтынгавай кампаніі TS Lombard Дарыа Перкінс.
Паводле дадзеных эканаміста, беспрацоўе сярод тых, хто ўпершыню выходзіць на рынак працы ў ЗША, з 2023 года вырасла больш чым на 2,5 працэнтнага пункта. Пры гэтым узровень беспрацоўя сярод працаўнікоў старэйшых амаль не змяніўся.
На першы погляд гэта магло б выглядаць як вынік актыўнага ўкаранення ШІ, які нібыта выцясняе маладых спецыялістаў. Многія бізнес-лідары сапраўды кажуць пра ШІ як пра спосаб скарачэння выдаткаў.
Аднак аналіз Перкінса паказвае адваротнае: прычына спаду ў іншым. «Кампаніі проста не наймаюць», — піша эканаміст. Сённяшнія ўзроўні стварэння працоўных месцаў у ЗША адпавядаюць «рэцэсійным» і закранаюць усе галіны, а не толькі тыя, дзе ШІ распаўсюджаны мацней. Там не назіраецца больш высокіх узроўняў беспрацоўя.
Даследаванне вылучае тры ключавыя фактары падзення найму — і ніводзін з іх не звязаны з аўтаматызацыяй. Кампаніі рэзка пашыралі штаты пасля пандэміі і цяпер скарачаюць тэмпы найму да нармальнага ўзроўню. Таксама бізнес асцерагаецца палітычнай нявызначанасці і не спяшаецца павялічваць персанал.
Акрамя таго, тарыфы часоў Трампа сціснулі прыбытак і прымушаюць працадаўцаў выціскаць больш з наяўных супрацоўнікаў, замест таго, каб наймаць новых.
Гэтыя працэсы асабліва балючыя для моладзі, але агульная занятасць застаецца стабільнай. Перкінс адзначае, што як толькі эканоміка зноў паскорыцца, наём аднавіцца — а разам з ім і перспектывы выпускнікоў.
Рэлацыраваліся? Цяпер вы можаце каментаваць без верыфікацыі акаўнта.