«Можа, яны і не павінны былі існаваць»: тэхдырэктар OpenAI выказалася пра лёс творчых прафесій у эпоху АІ

«Я думаю, гэта будзе калабарацыйны інструмент, асабліва ў творчых колах», — заявіла Мураці ў гутарцы пра АІ з папячыцелем Дартмуцкага каледжа Джэфры Блэкбернам.

«Некаторыя творчыя пазіцыі могуць знікнуць. Але, можа, яны ад самага пачатку не павінны былі існаваць. Я шчыра лічу, што прымяненне [АІ] як інструмента для адукацыі і творчасці павысіць наш інтэлект», — дадала яна.

У часе іншага нядаўняга інтэрв’ю на Міжнародным фестывалі творчасці «Канскія львы» Мураці прадказала, што ў будучыні людзі будуць працаваць плячо ў плячо з АІ, які стане для іх дапаможным інструментам.

Перспектывай выцяснення АІ заклапочаныя прадстаўнікі самых розных крэатыўных прафесій, уключаючы кінаакцёраў, распрацоўшчыкаў гульняў, пісьменнікаў і акцёраў дубляжу. Зрэшты, цалкам АІ пакуль замяніць людзей не можа — скураныя калегі па-ранейшаму патрэбныя затым, каб правяраць працы машыны або дапрацоўваць, калі яны аказваюцца неарыгінальная.