Генеральны пракурор штата Місуры Эндру Бейлі падаў пазоў да IBM за тое, што яна прымяняе расавыя і гендарныя квоты да супрацоўнікаў і суіскальнікаў, а зарплаты топ-менеджараў звязвае з іх удзелам у дыскрымінацыйных практыках.
Генеральны пракурор штата Місуры Эндру Бейлі падаў пазоў да IBM за тое, што яна прымяняе расавыя і гендарныя квоты да супрацоўнікаў і суіскальнікаў, а зарплаты топ-менеджараў звязвае з іх удзелам у дыскрымінацыйных практыках.
Пазоў быў пададзены ў мінулы чацвер. Абвінавачванне сцвярджае, што квоты IBM і сістэма забеспячэння разнастайнасці сярод персаналу парушаюць заканадаўства аб правах чалавека Місуры. Гаворка пра гадавыя квоты па крытэрах расы, колеру скуры, нацыянальнасці, полу і паходжання.
Калі чалавек не падпадае пад квоты, яму адмаўляюць у найманні. Калі квоты выкананыя, топ-менеджар атрымлівае бонус, а ў адваротным выпадку можа страціць бонус ці нават працу.
Аб стандартах разнастайнасці ў IBM стала вядома летась пасля ўцечкі відэазванка 2021 года, на якім гендырэктар кампаніі Арвінд Крышна прызнаў выпадкі звальнення супрацоўнікаў і частковага пазбаўлення прэмій за адмову ад удзелу ў дыскрымінацыі пры найманні. Крышна патрабаваў ад кіраўнікоў найвышэйшага звяна забяспечыць больш супрацоўнікаў з малапрадстаўленых груп. Аб поспехах у гэтай працы і «прыцягненні да адказнасці», то-бок звальненнях, тых, хто не жадаае «адпавядаць стандартам», хваліўся Пол Кармье — тагачасны СЕО Red Hat, якая належыць IBM.
У маі арганізацыя America First Legal падала ў суд на Red Hat за квоты, якія ўшчамляюць беласкурых мужчын. Пазоў быў пададзены ад асобы былога супрацоўніка, які прапрацаваў там шмат гадоў, але быў звольнены, бо яму не пашчасціла сумясціць у сабе абодва параметры.
У новым пазове зафіксавана восем парушэнняў закона Місуры, звязаных з дыскрымінацыяй.
Рэлацыраваліся? Цяпер вы можаце каментаваць без верыфікацыі акаўнта.
Спеллчекер похоже ещё не изобрели, да?
Арвінд Крышна - вот бы кого проверить на малопредставленные группы. Глядишь место СЕО освободится