Спёка ў Еўропе сыходзіць, на змену ёй абяцаюць пахаладанне і навальніцы. Як зразумець, што вас вось-вось змые? Спыталі ў СЕО Rainbow Weather Аляксандра Матвеенкі (адразу скажам —ніяк).
Спёка ў Еўропе сыходзіць, на змену ёй абяцаюць пахаладанне і навальніцы. Як зразумець, што вас вось-вось змые? Спыталі ў СЕО Rainbow Weather Аляксандра Матвеенкі (адразу скажам —ніяк).
— Перад і пасля перыядаў спёкі атмасфера часта становіцца вельмі няўстойлівай.
На паверхні назапашваецца гарачае і вільготнае паветра, а вышэй можа знаходзіцца значна халаднейшы пласт. Пакуль цёплае паветра ўтрымлівае тэмпературная «столь», навальніца не развіваецца, але прыход фронту, змена ветру ці дадатковы прагрэў могуць хутка разбурыць гэты бар’ер. Паветра пачынае рэзка падымацца, астываць і кандэнсавацца, і ўсяго за 20–30 хвілін невялікая кучавая хмара здольная ператварыцца ў магутную навальнічную ячэйку з ліўнем, градам, маланкамі і шквалістым ветрам.
Я асабіста неаднаразова атрымліваў ад метэаагенцтваў папярэджанні пра навальніцу, хаця ў маім канкрэтным раёне ў выніку наогул нічога не адбывалася. Гэта не абавязкова азначае, што прагноз быў памылковым: класічныя прагнозныя мадэлі звычайна пералічваюцца толькі раз на некалькі гадзін, а карысная дакладнасць вызначэння месцазнаходжання асобных навальнічных ячэек можа складаць дзясяткі кіламетраў. Для вялікага горада гэтага дастаткова, каб прагноз паказваў навальніцу адразу для ўсёй гарадской тэрыторыі, хаця фактычна яна пройдзе толькі над некалькімі раёнамі або наогул за межамі горада.
Таму для навальніц асабліва важныя аплікацыі, якія не абмяжоўваюцца старым разліковым прагнозам, а пастаянна абнаўляюць фактычную карціну паводле дадзеных метэарадараў, спадарожнікаў і наземных станцый.
Агульнаую рызыку навальніцы можна вызначыць загадзя, але зразумець, дзе менавіта ўжо сфарміравалася ячэйка, куды яна рухаецца і ці закране канкрэтнага карыстальніка, можна толькі на аснове максімальна свежых назіранняў і часта абнаўляемага кароткатэрміновага прагнозу.
Мы, на жаль, не пра надвор’евыя трэнды, а пра папярэджанне за гадзіны або хвіліны — у залежнасці ад хаатычнасці працэсу.
Ці хаця б самы агульны трэнд верны — навальніцы сапраўды прыйдуць?
— У Варшаве яны ўжо пачынаюцца, але ідуць не па ўсім горадзе. Дзесьці абмяжуецца моцным ветрам, дзесьці, дзе склаліся атмасферныя ўмовы, пройдуць дажджы і навальніцы. Гэта значыць, кампенсацыя спёкі чакае ўсіх, але ў розных месцах яна будзе адлюстравана па-рознаму.
Релоцировались? Теперь вы можете комментировать без верификации аккаунта.