Нацбанк ініцыяваў стварэнне Цэнтра штучнага інтэлекту пры сваёй даччынай кампаніі — Цэнтры банкаўскіх тэхналогій, каб беларускія банкі пачалі больш інтэнсіўна выкарыстоўваць ШІ. Пра гэта паведамляе Office Life са спасылкай на першага намесніка старшыні Нацбанка Аляксандра Ягорава.
Нацбанк ініцыяваў стварэнне Цэнтра штучнага інтэлекту пры сваёй даччынай кампаніі — Цэнтры банкаўскіх тэхналогій, каб беларускія банкі пачалі больш інтэнсіўна выкарыстоўваць ШІ. Пра гэта паведамляе Office Life са спасылкай на першага намесніка старшыні Нацбанка Аляксандра Ягорава.
Цэнтр будзе займацца пытаннямі практычнага ўкаранення ШІ ў працу галоўнага банка Беларусі і камерцыйных банкаў.
«Сярэднегадавыя тэмпы росту рынку ІТ-рашэнняў, звязаных з ШІ, прагназуюцца на бліжэйшыя пяць гадоў на ўзроўні 36%. Адна з мэтаў краіны — увайсці ў топ-70 сусветнага рэйтынгу па гатоўнасці да выкарыстання ШІ. Сёння наша пазіцыя 83 з больш чым 170 краін. Пры гэтым псіхалагічная гатоўнасць да выкарыстання рашэнняў у галіне ШІ высокая ўжо зараз», — патлумачыў актуальнасць стварэння Цэнтра ШІ Ягораў. Ён адзначыў, што на карпаратыўным узроўні ўкараненне ШІ недастатковае, хоць парог уваходу за апошні час істотна знізіўся.
У Нацбанку мяркуюць, што банкаўская галіна павінна засвойваць рашэнні ШІ адной з першых, і чакаюць трансфармацыю банкаўскага сектара ў будучыні.
«Мы бачым мэтай істотнае пашырэнне прац і колькасці супрацоўнікаў камерцыйных банкаў, якія занятыя пытаннямі і штучнага інтэлекту, і інфармацыйных тэхналогій. Мы хацелі б бачыць, каб банкі паступова выкарыстоўвалі гібрыдную мадэль — не толькі былі банкамі, але і ў значнай ступені ІТ-кампаніямі», — заявіў Ягораў на выставе Digital Expo 2025 у Мінску. Ён дадаў, што зараз галоўная задача для банкаў — зрабіць прарыў ва ўжыванні ІТ-тэхналогій, як гэта было 20 гадоў таму пры ўвядзенні розных плацежных рашэнняў ад карт да АРІП.
Выкарыстанне банкамі распрацовак Цэнтра ШІ будзе «небясплатным», але абыдзецца «танней, чым калі б банкі ўсё рабілі самі і ўкаранялі». Нацбанк будзе рэгулярна маніторыць укараненне ШІ-рашэнняў у банкаўскай сферы і вымяраць прагрэс.
Акрамя гэтага, на мерапрыемстве Нацбанк і Цэнтр банкаўскіх тэхналогій прэзентававалі «Суверэнную платформу штучнага інтэлекту», якая павінна гарантаваць тэхналагічны суверэнітэт Беларусі. Гаворка ідзе пра забеспячэнне незалежнасці банкаўска-фінансавай сферы краіны ў галіне ШІ праз стварэнне бяспечнай і кантраляванай айчыннай ШІ-інфраструктуры.
Рэлацыраваліся? Цяпер вы можаце каментаваць без верыфікацыі акаўнта.
)))))))
Суверенная платформа искусственного интеллекта - это пять, жму руку за нейминг. Надо бы еще "им. Ф.Э.Дзержинского" добавить
нацбанк тупит, пора уже ему редкоземельными металами заниматься
аировай!
А вы ребята как не садитесь, всё в музыканты вы не годитесь!
и запустить управление криптокоровниками на базе АИ
А этот искусственный интеллект с нацбанком в одной комнате?