Галоўнае ўпраўленне разведкі Міноборны Украіны апублікавала паўсотні расійскіх і беларускіх прадпрыемстваў, датычных да стварэння нізкаарбітальнай спадарожнікавай сістэмы «Рассвет». Спіс прадпрыемстваў заўважылі незалежныя беларускія медыя.
Галоўнае ўпраўленне разведкі Міноборны Украіны апублікавала паўсотні расійскіх і беларускіх прадпрыемстваў, датычных да стварэння нізкаарбітальнай спадарожнікавай сістэмы «Рассвет». Спіс прадпрыемстваў заўважылі незалежныя беларускія медыя.
Сістэма ўключае арбітальную групоўку спадарожнікаў, наземную інфраструктуру кіравання, шлюзавыя станцыі і абаненцкія тэрміналы для стацыянарных і рухомых аб’ектаў.
Праект ажыццяўляе кампанія «Бюро 1440». У ім задзейнічаныя структуры Раскосмасу і расійскага Міноборны, тэхналагічныя кампаніі і навуковыя цэнтры.
Беларускіх прадпрыемстваў сярод іх тры: ЗАТ «Аэракасмічныя прыборы», РПУП «Завод дакладнай электрамеханікі» і яго філіял «Белінтэрсат». Паводле дадзеных ГУР, першае прататыпуе кампаненты для гэтай сістэмы, «Белінтэрсат» у траўні 2026 года заключыў з «Бюро 1440» пагадненне пра стратэгічнае партнёрства для інтэграцыі «Рассвету» ў тэлекам-інфраструктуру Беларусі.
На днях паведамлялася, што выпрабаванні сервісу спадарожнікавага інтэрнэту пачнуцца ў Беларусі ў бліжэйшыя тыдні.
Рэлацыраваліся? Цяпер вы можаце каментаваць без верыфікацыі акаўнта.