У Беларусі аб’яднаюць сервісы продажу і браніравання квіткоў на рэгулярныя аўтобусныя рэйсы — міжнародныя, міжгарадскія і прыгарадныя — у адзіную дзяржаўную інфасістэму. Платформа павінна запрацаваць да 1 ліпеня 2027 года, паведаміў дырэктар ДП «Аператар пасажырскіх перавозак» у Гродне Дзмітрый Пацуй.
У Беларусі аб’яднаюць сервісы продажу і браніравання квіткоў на рэгулярныя аўтобусныя рэйсы — міжнародныя, міжгарадскія і прыгарадныя — у адзіную дзяржаўную інфасістэму. Платформа павінна запрацаваць да 1 ліпеня 2027 года, паведаміў дырэктар ДП «Аператар пасажырскіх перавозак» у Гродне Дзмітрый Пацуй.
Мэта новаўвядзення — аптымізацыя і павышэнне якасці абслугоўвання пасажыраў.
Каб купіць квіток, пасажырам трэба будзе зарэгістравацца ў адзінай сістэме і стварыць асабісты кабінет. Спатрэбіцца ўказаць поўнае імя, пол, дату нараджэння, грамадзянства і ідэнтыфікацыйны нумар дакумента, які пацвярджае асобу. Пасля гэтага адкрыецца доступ да браніравання месцаў, афармлення багажу, выбару аўтобуса і апавяшчэнняў пра адмену рэйса.
«Калі на адным маршруце працавала некалькі перавозчыкаў з рознымі сістэмамі браніравання, цяпер усё будзе аб’яднана ў адну. Пасажыру не прыйдзецца маніторыць розныя сервісы. Дастаткова будзе адкрыць асабісты кабінет і паглядзець зручны расклад з наяўнасцю вольных месцаў», — адзначыў Пацуй.
Паводле яго, перавозчыкам сістэма дазволіць аператыўней рэагаваць на пасажырапаток, мяняць рухомы састаў на больш ёмісты або арганізоўваць дадатковыя рэйсы. Выдаткі ў іх не вырастуць, таму праезд не павінен падаражаць.
Релоцировались? Теперь вы можете комментировать без верификации аккаунта.