ЗША развярнулі замежніка з-за мема ў тэлефоне

Паводле дадзеных Daily Mail, 21-гадоваму турысту з Нарвегіі было адмоўлена ва ўездзе ў ЗША пасля таго, як супрацоўнікі іміграцыйнай службы знайшлі на яго тэлефоне жартаўлівы мем з выявай амерыканскага віцэ-прэзідэнта Дж. Д. Вэнса з лысай галавой.

Мадс Мікельсен прыляцеў у ЗША 11 чэрвеня і прыбыў у аэрапорт Ньюарка (штат Нью-Джэрсі), разлічваючы правесці адпачынак. Аднак замест пачатку адпачынку яго затрымалі на мяжы, дапыталі і змясцілі ў камеру.

Як ён паведаміў нарвежскаму выданню Nordlys, афіцэры задавалі яму пытанні аб наркотыках, тэрарызме і праварадыкальных рухах без аніякай прычыны. Паводле слоў турыста, яму пагражалі штрафам у памеры $5 000 або пяцігадовым турэмным тэрмінам, калі ён не дась пароль ад тэлефона.

На прыладзе, як сцвярджаецца, супрацоўнікі выявілі выяву Дж. Д. Вэнса. У той жа дзень Мікельсена дэпартавалі назад у Нарвегію. Прадстаўнік Міністэрства бяспекі ЗША Трыша Макларфлін назвала сцвярджэнні нарвежца «хлуснёй» і заявіла, што Мікельсена не пусцілі ў ЗША таму, што ён прызнаўся ва ўжыванні наркотыкаў.

Раней аўстралійскаму пісьменніку Алістэру Кітчэну таксама было адмоўлена ва ўездзе ў ЗША. Яго затрымалі ў аэрапорце Лос-Анджэлеса і дапытвалі наконт поглядаў на вайну ў Газе і артыкулаў аб прапалесцінскіх пратэстах. Нягледзячы на тое, што сам Кітчэн сцвярджае, што прычынай адмовы сталі яго палітычныя погляды, Міністэрства ўнутранай бяспекі ЗША абвергла гэтую версію.