Алеся Чапкевич world 3 жніўня 2026, 13:04

Новая мадэль OpenAI Astra вырашыла 10 матэматычных задач, над якімі навукоўцы білі галаву больш за дзесяць гадоў

OpenAI прыадкрыла заслону над сваёй наступнай флагманскай мадэллю Astra. Новы ШІ створаны для вырашэння складанейшых, працяглых задач.

Пакінуць каментарый

Новая мадэль OpenAI Astra вырашыла 10 матэматычных задач, над якімі навукоўцы білі галаву больш за дзесяць гадоў

OpenAI прыадкрыла заслону над сваёй наступнай флагманскай мадэллю Astra. Новы ШІ створаны для вырашэння складанейшых, працяглых задач.

Падчас унутраных тэстаў Astra зрабіла 10 прарыўных адкрыццяў у матэматыцы і тэарэтычнай інфарматыцы, справіўшыся з задачамі, па якіх не было прагрэсу як мінімум 10 гадоў. Даследаванні ахапілі шматмерную геаметрыю, тэорыю кадавання, квантавую складанасць, рашотачную крыптаграфію і экстрэмальную камбінаторыку.

Пры гэтым сумарныя выдаткі на генерацыю токенаў для вырашэння гэтых 10 задач склалі ўсяго каля $2 тысяч паводле тарыфаў Sol API.

Навукоўцы-людзі дапамаглі аформіць атрыманыя аргументы ў рукапісы, пасля чаго Astra сама фармалізавала кожны крок на мове Lean для аўтаматычнай праверкі доказаў.

Выданне The Information пацвердзіла, што OpenAI сапраўды распрацоўвае лінейку мадэляў Astra. Тэкставыя агенты ў ёй умеюць кааперавацца і паралельна вырашаць розныя часткі адзінай маштабнай задачы.

Унутры кампаніі пакуль не вырашылі, пад якім брэндам выйдзе навінка — GPT-5.7, GPT-6 ці пад зусім новым імем. Праз каласальныя магутнасці Astra рэліз можа адбыцца па мадэлі Anthropic: базавую версію аддадуць звычайным карыстальнікам, а доступ да прасунутай запатрабуе спецыяльнага дазволу.