Кампанія дамовілася пра куплю Hugging Face за $12,9 мільярда, паведамляе The Information. Калі ўгода адбудзецца, пад кантроль буйнейшага вытворцы ШІ-чыпаў перойдзе адна з галоўных сусветных платформаў для размяшчэння і распаўсюджвання адкрытых ШІ-мадэляў.
Кампанія дамовілася пра куплю Hugging Face за $12,9 мільярда, паведамляе The Information. Калі ўгода адбудзецца, пад кантроль буйнейшага вытворцы ШІ-чыпаў перойдзе адна з галоўных сусветных платформаў для размяшчэння і распаўсюджвання адкрытых ШІ-мадэляў.
Hugging Face — адна з найбуйнейшых пляцовак, дзе распрацоўшчыкі публікуюць, спампоўваюць і тэстуюць ШІ-мадэлі і датасеты. Пакупка дасць Nvidia кантроль над важнай часткай экасістэмы адкрытага ШІ і дазволіць кампаніі пашырыцца за межы вытворчасці GPU — у бок мадэляў, праграмнага забеспячэння і воблачных сервісаў. Пры гэтым угода пакуль канчаткова не закрытая: паводле крыніц, бакі яшчэ не падпісалі пагадненне і перамовы ўсё яшчэ могуць сарвацца.
Для Nvidia гэта асабліва важна на фоне таго, што найбуйнейшыя распрацоўшчыкі закрытых ШІ-мадэляў — у тым ліку Google, Amazon, OpenAI і Anthropic — развіваюць уласныя чыпы ды імкнуцца знізіць залежнасць ад абсталявання Nvidia. Чым мацнейшай будзе экасістэма адкрытых мадэляў, тым больш распрацоўшчыкаў патэнцыяльна працягнуць выкарыстоўваць універсальную інфраструктуру на базе GPU Nvidia.
Цана ўгоды амаль утрая перавышае апошнюю публічную ацэнку Hugging Face. У 2023 годзе стартап прыцягнуў $235 мільёнаў пры ацэнцы $4,5 мільярда. У канцы 2025 года Hugging Face таксама адмовілася ад прапановы Nvidia інвеставаць $500 мільёнаў пры ацэнцы кампаніі ў $7 мільярдаў: кіраўніцтва не хацела з’яўлення буйнога акцыянера, здольнага ўплываць на рашэнні кампаніі.
Паводле The Information, цяпер Hugging Face атрымлівае каля $150 мільёнаў выручкі ў год. Гэта азначае, што Nvidia гатовая заплаціць за кампанію суму прыкладна ў 86 разоў большую за яе гадавую выручку. Угода можа стаць адной з найбуйнейшых у гісторыі Nvidia і яшчэ мацней замацаваць кампанію адразу на некалькіх узроўнях ШІ-рынку: ад чыпаў і вылічальнай інфраструктуры да мадэляў ды інструментаў для распрацоўшчыкаў.
Релоцировались? Теперь вы можете комментировать без верификации аккаунта.