Аддзел навін 1 сакавіка 2024, 10:48

Абнаўленне Xiaomi «ацагляе» смартфоны

Уладальнікі смартфонаў Xiaomi і яе даччыных брэндаў Poco і Redmi сутыкнуліся з цыклічнай перазагрузкай прылад пасля абнаўлення АС. Замест трапляння ў сістэму прылады пераходзяць у рэжым аднаўлення, якое выглядае як меню на чорным фоне з загалоўкам Main Menu, піша «Код Дурава».

Пакінуць каментарый

Уладальнікі смартфонаў Xiaomi і яе даччыных брэндаў Poco і Redmi сутыкнуліся з цыклічнай перазагрузкай прылад пасля абнаўлення АС. Замест трапляння ў сістэму прылады пераходзяць у рэжым аднаўлення, якое выглядае як меню на чорным фоне з загалоўкам Main Menu, піша «Код Дурава».

Паведамленні пра праблему сталі масава з’яўляцца на форумах і ў сацсетках 29 лютага, пасля чаго на яе звярнулі ўвагу розныя выданні. Да збою схільныя прылады з глабальнай версіяй MIUI 14, якая мае прыстаўку «RU».

Як мяркуецца, ён звязаны з абнаўленнем сістэмнага кампанента — у прыватнасці, з некарэктнай усталёўкай плагіна «Hyper OS UI service», які адказвае за Цэнтр кіравання. Апошні нядаўна пачаў з’яўляцца ў версіі MIUI 14 для Расіі. Праблема закранула ў тым ліку жыхароў Беларусі.

Ужо пацярпелым уладальнікам смартфонаў Xiaomi і суббрэндаў раяць дачакацца вырашэння праблемы. Яно з’явіцца ў афіцыйнай суполцы Xiaomi ў Расіі. Тым, хто не паспеў абнавіць прыладу, пакуль не варта рабіць гэтага.

Прылады Xiaomi масава перасталі працаваць у Беларусі і Расіі

Каб не ўпасці ў цыкл перазагрузкі, карыстальнікам прылад на MIUI 14, якія прэтэндуюць на абнаўленне да HyperOS, рэкамендуюць адключыць аўтаабнаўленне праграм праз GetApps. Для гэтага трэба перайсці ў раздзел асабістага профілю ў сэрвісе, адкрыць налады і адключыць функцыю «аўтаматычныя абнаўлення». Праверыць сваё прыладу ў спісе найбліжэйшых прэтэндэнтаў на абнаўленне да HyperOS можна тут.

Тыя, хто ўжо сутыкнуўся з праблемай, пакуль могуць атрымаць доступ да сваіх смартфонаў толькі шляхам поўнага скідання да завадскіх налад. Але ў гэтым выпадку на прыладзе будуць незваротна знішчаныя ўсе карыстальніцкія даныя.

Для гэтага ў рэжыме аднаўлення варта выбраць пункт Wipe Data, далей націснуць Wipe All Data і Confirm. Пасля завяршэння працэдуры дастаткова перазагрузіць прыладу. Перамяшчацца па спісах у рэжыме аднаўлення можна кнопкамі рэгулявання гучнасці, а пацвердзіць выбар — націскам на кнопку сілкавання.