Аддзел навін 29 ліпеня 2024, 16:27

Адзін з беларускіх банкаў спыніў падтрымку Fitbit Pay. Fitbit працягвае працаваць у РБ?

«Беларусбанк» абвясціў, што спыняе падтрымку плацежнага сэрвісу Fitbit Pay 29 ліпеня 2024 года — «у сувязі з рашэннем кампаніі-ўладальніка».

Пакінуць каментарый

Адзін з беларускіх банкаў спыніў падтрымку Fitbit Pay. Fitbit працягвае працаваць у РБ?

«Беларусбанк» абвясціў, што спыняе падтрымку плацежнага сэрвісу Fitbit Pay 29 ліпеня 2024 года — «у сувязі з рашэннем кампаніі-ўладальніка».

На сайце Fitbit гаворыцца, што неўзабаве ўсе бескантактныя плацяжы на дэвайсах кампаніі будуць ажыццяўляцца праз Google Wallet.

Трымальнікам карт «Беларусбанка» застаюцца даступнымі Apple Pay, Samsung Pay, Белкарт Pay, Swoo Pay, Xiaomi Pay, Garmin Pay і Huawei Pay.

Fitbit вырабляе фітнэс-прылады: смарт-бранзалеты, гадзіннікі, Wi-Fi-шалі. У 2021 годзе кампанія канчаткова ўвайшла ў склад Google.

Офіс вытворцы смарт-гадзіннікаў у Мінску — ТАА «Фітбіт Бел» — працуе з 2014 года. Паводле даных Адзінага дзяржаўнага рэестра, юрыдычная асоба ў Беларусі працягвае працаваць. Пры гэтым, паводле паведамленняў крыніц dev.by, яшчэ ў 2021 годзе Fitbit пачала працэс рэлакацыі супрацоўнікаў з Мінска ў офісы Google у Варшаве і Бухарэсце.