Паводле звестак Адміністрацыі па міжнародным гандлі Тайваня, у Малайзіі адбыўся беспрэцэдэнтны скачок імпарту графічных працэсараў. Амерыканскія ўлады заклікалі малайзійскіх калегаў узмацніць кантроль за экспартам высокатэхналагічнай прадукцыі ў Кітай, тым не менш у красавіку Малайзія ўвезла GPU на $2,74 мільярда — гэта ў 35 разоў больш, чым у красавіку 2023 года, піша Tom’s Hardware.
Паводле звестак Адміністрацыі па міжнародным гандлі Тайваня, у Малайзіі адбыўся беспрэцэдэнтны скачок імпарту графічных працэсараў. Амерыканскія ўлады заклікалі малайзійскіх калегаў узмацніць кантроль за экспартам высокатэхналагічнай прадукцыі ў Кітай, тым не менш у красавіку Малайзія ўвезла GPU на $2,74 мільярда — гэта ў 35 разоў больш, чым у красавіку 2023 года, піша Tom’s Hardware.
Імпарт GPU у краіну дэманструе моцны рост цягам усяго года. Так, у студзені ён склаў $1,12 мільярда — +700% у параўнанні з мінулым годам. У лютым — $627 мільёнаў, крыху менш, але сума ўсё адно ўражвае. У сакавіку яна ўзляцела да $1,96 мільярда. Такім чынам, за першыя чатыры месяцы года ў Малайзію паступіла GPU прыкладна на $6,45 мільярда — больш, чым за ўвесь 2024 год.
У красавіку выданне паведамляла, што тайваньскі экспарт вылічальных сістэм у Малайзію ў сакавіку ўзляцеў да $1,87 мільярда — +366% у параўнанні з мінулым годам і +55117% у параўнанні з сакавіком 2023-га. Такая дынаміка па абсталяванні, уключаючы GPU і паскаральнікі ШІ, асабліва Nvidia, супала з узмацненнем амерыканскіх абмежаванняў на пастаўкі ў Кітай. Гэта выклікае падазрэнні, што прадукцыя перанакіроўваецца на кітайскі рынак праз малайзійскіх пакупнікоў, нягледзячы на санкцыі ЗША. У якасці варыянту — Малайзія назапашвае «жалеза» для ўласных воблачных ШІ-праектаў або ж спрабуе прыцягнуць кітайскіх кліентаў, што шукаюць шляхі абыходу санкцый.
Адзначаецца, што вызначыць дакладныя аб’ёмы GPU, пастаўленых Nvidia у Малайзію, складана. Кампанія адсочвае выручку па білінгавых адрасах пакупнікоў, але не фізічнае месцазнаходжанне тавараў.
Рэлацыраваліся? Цяпер вы можаце каментаваць без верыфікацыі акаўнта.