OnlyFans у дзясяткі разоў абагнаў Apple, Google, Netflix і іншых тэхнагігантаў па даходзе на супрацоўніка
Анлайн-платформа для распаўсюджвання рознага кантэнту OnlyFans зарабляе ў разы больш за топавыя тэхналагічныя кампаніі свету ў разліку на супрацоўніка. Па гэтым паказчыку яна абганяе Apple, Google, Netflix, Meta і Microsoft.
Выручка OnlyFans за фінансавы 2023 год склала $1,3 млрд, пры гэтым у штаце кампаніі лічацца ўсяго 42 супрацоўнікі. Такім чынам, кожны ў сярэднім прыносіць ёй амаль $31 млн.
Для параўнання: Microsoft з аднаго супрацоўніка ў сярэднім зарабляе $1,1 млн, то-бок у 28 разоў менш за OnlyFans. Дарэчы, Apple, Microsoft, Alphabet (матчына кампанія Google) і Meta ўваходзяць у сямёрку найбуйнейшых кампаній свету па рынкавай капіталізацыі.
Таксама сярод лідараў па заробку на супрацоўніка знаходзіцца дошка аб’яваў Craigslist. Цяпер яе даход некалькі знізіўся ў параўнанні з пікавым $1 млрд пры канцы 2010-х гадоў, але па даходзе на супрацоўніка ўсё роўна застаецца высокім дзякуючы нешматлікасці каманды.
Читать на dev.by