Кампанія знізіла цэны на сваю флагманскую мадэль GPT-5.6 Sol. Зніжэнне дзейнічае ў API, а таксама распаўсюджваецца на дадатковыя крэдыты ў Codex і ChatGPT Work для адпаведных тарыфаў.
Кампанія знізіла цэны на сваю флагманскую мадэль GPT-5.6 Sol. Зніжэнне дзейнічае ў API, а таксама распаўсюджваецца на дадатковыя крэдыты ў Codex і ChatGPT Work для адпаведных тарыфаў.
Новыя цэны будуць дзейнічаць на працягу трох месяцаў, паведамляе Reuters. OpenAI тлумачэнняў не дала, аднак агенцтва звязвае рашэнне з канкурэнцыяй з боку Anthropic і кітайскіх распрацоўшчыкаў.
Цяпер апрацоўка 1 мільёна ўваходных токенаў GPT-5.6 Sol пры стандартным кароткім кантэксце каштуе $4 замест $5. Цана 1 мільёна выходных токенаў знізілася з $30 да $20.
Для запытаў з кантэкстам звыш 272 тысяч уваходных токенаў тарыф таксама стаў ніжэйшым: 1 мільён уваходных токенаў цяпер каштуе $8 замест $10, а выходных — $30 замест $45.
Змены не закранулі асноўныя падпіскі ChatGPT Pro, Plus і Business. Гаворка ідзе перш за ўсё пра выдаткі распрацоўшчыкаў праз API і куплю дадатковых вылічальных крэдытаў.
Зніжэнне зрабіла GPT-5.6 Sol значна танней за некаторыя флагманскія мадэлі Anthropic. Claude Fable 5 каштуе $10 за 1 мільён уваходных і $50 за 1 мільён выходных токенаў. Для Claude Opus 5 цэны складаюць $5 і $25 адпаведна.
OpenAI ўжо другі раз за апошні месяц зніжае кошт сваіх мадэляў. У канцы ліпеня кампанія паменшыла цэны на GPT-5.6 Terra на 20%, а на больш танную GPT-5.6 Luna — адразу на 80%.
Адначасова частка карыстальнікаў Codex на гэтым тыдні скардзілася, што іх ліміты пачалі расходавацца хутчэй звычайнага. Прадстаўнік OpenAI паведаміў, што кампанія вывучае праблему. Паводле папярэдніх назіранняў, у некаторых падпісчыкаў радзей спрацоўвала кэшаванне запытаў, праз што фактычны расход крэдытаў мог павялічвацца.
Релоцировались? Теперь вы можете комментировать без верификации аккаунта.