Алеся Чапкевич world 29 снежня 2025, 18:40

OpenAI шукае супрацоўніка на «напружаную» вакансію на паўмільёна даляраў. Вось каго

OpenAI гатова плаціць $555 тысяч у год плюс пакет акцый на пазіцыі пад назвай head of preparedness (або «дырэктар па гатоўнасці»), які дапаможа згладжваць рызыкі ШІ.

Пакінуць каментарый

OpenAI шукае супрацоўніка на «напружаную» вакансію на паўмільёна даляраў. Вось каго

OpenAI гатова плаціць $555 тысяч у год плюс пакет акцый на пазіцыі пад назвай head of preparedness (або «дырэктар па гатоўнасці»), які дапаможа згладжваць рызыкі ШІ.

Вакансію прадставіў гендырэктар кампаніі Сэм Альтман. Кажа, «напружаная», але «крытычна важная». Па яго словах, мадэлі вельмі хутка ўдасканальваюцца і ўжо шмат што ўмеюць, але паралельна ўзнікае шэраг сур’ёзных праблем: напрыклад, яны ўмеюць шукаць небяспечныя ўразлівасці, а з іншага боку, могуць уплываць на псіхічны стан людзей.

We are hiring a Head of Preparedness. This is a critical role at an important time; models are improving quickly and are now capable of many great things, but they are also starting to present some real challenges. The potential impact of models on mental health was something we…
— Sam Altman (@sama) December 27, 2025

Супрацоўнік будзе адказваць за тэхнічную стратэгію і рэалізацыю «рамачнага падыходу да гатоўнасці» (preparedness framework) — сістэмы адсочвання і падрыхтоўкі да рызыкі таго, што ШІ патэнцыйна можа нанесці шкоду.

Новы дырэктар будзе кіраваць стварэннем інструментаў для ацэнкі магчымасцяў ШІ, мадэляў пагроз і мер для іх змякчэння. Ад саіскальніка патрабуюцца глыбокія тэхнічныя веды, навыкі выразнай камунікацыі і ўменне кіраваць складанымі праектамі. Ён узначаліць невялікую, але высокаэфектыўную каманду, якая будзе ўзаемадзейнічаць з падраздзяленнямі па бяспецы, даследаваннях, распрацоўцы, прадукту, палітыцы і знешніх сувязях.